അധ്യാപനത്തിൽ ദേശീയ അവാർഡ് നേടിയ എം മനോജ് കുമാറിനെ മൊഗ്രാൽ പിടിഎയും,സ്റ്റാഫ് കൗൺസിലും ആദരിച്ചു
രാജ്യത്തെ ജില്ലാ-ബ്ലോക്ക് തല വിദ്യാഭ്യാസ ഓഫീസർമാർക്ക് നൽകുന്ന വിദ്യാഭ്യാസ ഭരണ നിർവഹണത്തിലെ നൂതന ആശയങ്ങൾക്കും മികച്ച പ്രവർത്തന രീതികൾക്കുമുള്ള ദേശീയ അവാർഡാണ് എം മനോജ് കുമാറിന് ലഭിച്ചത്.ഏതാനും ദിവസം മുമ്പ് ന്യൂഡൽഹിയിൽ വെച്ച് അവാർഡ് ഏറ്റുവാങ്ങുകയും ചെയ്തിരുന്നു.
ആദരിക്കൽ ചടങ്ങിൽ പിടിഎ പ്രസിഡണ്ട് ലത്തീഫ് കൊപ്പളം എം മനോജ് കുമാറിന് ഷാൾ അണിയിച്ച് സ്വീകരിച്ചു. തുടർന്ന് യോഗ നടപടികൾക്ക് അധ്യക്ഷതവഹിച്ചു. ഹയർസെക്കൻഡറി പ്രിൻസിപ്പൽ ബിനി വി എസ്, സ്കൂൾ എച്ച് എം ഷിജി ജി എന്നിവർ ചേർന്ന് മെമന്റോ നൽകി.പിടിഎ വൈസ് പ്രസിഡണ്ട് റിയാസ് കരീം,മദർ പി ടി എ പ്രസിഡണ്ട് ഹസീന,സീനിയർ അസിസ്റ്റന്റ് ജാൻസി ചെല്ലപ്പൻ എന്നിവർ ആശംസകൾ നേർന്നു സംസാരിച്ചു.സ്റ്റാഫ് സെക്രട്ടറി എഫ് എച്ച് തസ്നീം നന്ദി പറഞ്ഞു.
Post a Comment