കളിച്ചു പഠിക്കാൻ കമ്പ്യൂട്ടർ:"ഡിജിറ്റൽ സ്ക്വയർ''പദ്ധതിക്ക് മൊഗ്രാൽ ജിവിഎച്ച്എസ്എസ്ൽ തുടക്കം
ഒന്നു മുതൽ ഏഴ് വരെ ക്ലാസ്സുകളിലുള്ള കുട്ടികളെ കമ്പ്യൂട്ടർ ഗെയിമുകളിലൂടെയും, വിനോദ പരിപാടികളിലൂ ടെയും അറിവിലേക്ക് നയിക്കാനുള്ളതാണ് ഡിജിറ്റൽ സ്ക്വയർ പദ്ധതി. പൊതുവിദ്യാഭ്യാസ വകുപ്പിന്റെ കീഴിലെ "കെറ്റി''ന്റെ മേൽനോട്ടത്തിലാണ് ഇത് നടപ്പിലാക്കുന്നത്. ഇതിനായി 5100 സ്കൂളുകളിലെ പ്രഥമാ ധ്യാപകർക്കും,ഓരോ നോഡൽ ടീച്ചർമാർക്കും ഇതിനകം പരിശീലനം നൽകിയിട്ടുണ്ട്. ഇതിനായി ഓരോ സ്കൂളിനും രണ്ട് കമ്പ്യൂട്ടറുകളെങ്കിലും ഉറപ്പാക്കും.ഒരു ഓപ്പൺ ലാബും സജ്ജമാക്കും.
മൊഗ്രാൽ ജിവിഎച്ച്എസ്എസ്ൽ തയ്യാറാക്കിയ ഡിജിറ്റൽ സ്ക്വയർ എസ് എം സി ചെയർമാൻ റിയാസ് കരീം ഉദ്ഘാടനം ചെയ്തു.സീനിയർ അസിസ്റ്റന്റ് ജാൻസി ചെല്ലപ്പൻ അധ്യക്ഷത വഹിച്ചു.പിടിഎ വൈസ് പ്രസിഡണ്ട് എച്ച് എം അബ്ദുൽ കരീം,സ്റ്റാഫ് സെക്രട്ടറി എഫ് എം തസ്‌നീം,എസ് ആർ ജി കൺവീനർ സൈനബ എന്നിവർ പരിപാടിക്ക് ആശംസകൾ നേർന്നു. സുൽഫിക്കർ അലി മാഷ് സ്വാഗതവും, ഫായിസ് നന്ദിയും പറഞ്ഞു.
Post a Comment