ചെറുവിമാനയാത്ര നടത്തി ചെമ്മനാട് ഗവ. ഹയർസെക്കൻഡറി സ്കൂളിലെ എയർവിങ് എൻസിസി കെഡറ്റുകൾ
കൊച്ചി നേവൽ ബേസിലെത്തിയാണ് ഇവർ സെൻ മൈക്രോലൈറ്റ് എയർ ക്രാഫ്റ്റിൽ പരിശീലന പറക്കൽ പൂർത്തിയാക്കിയത്.
കെഡറ്റുകളായ എച്ച്.അമൃതേഷ്, എം.വിഷ്ണുപ്രസാദ്, എസ്.എൻ.ശ്രീനന്ദ, അനുഷ വിനോദ്, വേദ സുജിത്ത്, എച്ച്.അനന്യ എന്നിവരാണ് ആദ്യമായി കോക‍്പിറ്റൽ കയറി കൊച്ചി നഗരത്തിന്റെ മനോഹരമായ ആകാശദൃശ്യം ആസ്വദിച്ചത്. കേരള കമാൻഡിങ് ഓഫിസർ വിങ് കമാൻഡർ സുമിത്ത് ശേഖർ, സർജന്റ് മുഖർജി, സ്കൂൾ എൻസിസി ഓഫിസർ കെ.പി.രതീഷ് കുമാർ എന്നിവരാണ് പരിശീലനത്തിനു നേതൃത്വം നൽകിയത്. എയർവിങ് എൻസിസി യൂണിറ്റുള്ള കാസർകോട് ജില്ലയിലെ ഏക വിദ്യാലയമാണ് പരവനടുക്കത്തെ ചെമ്മനാട് ഗവ.ഹയർസെക്കൻഡറി സ്കൂൾ.
Post a Comment