ഡൽഹി ലോക്ക്ഡൗൺ: സ്ഥിതി അതീവ ഗുരുതരമെന്ന് കെജ്രിവാൾ
ന്യൂഡൽഹി: (www.truenewsmalayalam.com 19.04.2021)
കോവിഡ് രോഗികളുടെ എണ്ണം ക്രമാതീതമായി വർധിക്കുന്ന ഡൽഹിയിൽ സ്ഥിതിഗതികൾ അതീവഗുരുതരമെന്ന് മുഖ്യമന്ത്രി അരവിന്ദ് കേജ്രിവാള്. അതിനാൽ ജനതയുടെ സുരക്ഷ മുൻ നിർത്തിയാണ് ലോക്ക്ഡൗൺ പ്രഖ്യാപിച്ചതെന്നും അദ്ദേഹം മാധ്യമങ്ങളോട് പറഞ്ഞു.
ഇന്ന് രാത്രി 10 മുതൽ തിങ്കളാഴ്ച പുലർച്ച അഞ്ച് മണി വരെയാണ് ലോക്ഡൗൺ പ്രഖ്യാപിച്ചിരിക്കുന്നത്. ആവശ്യ സർവീസുകൾ മാത്രമേ പ്രവര്ത്തിക്കൂ. കുടിയേറ്റ തൊഴിലാളികളുടെ ക്ഷേമം ഉറപ്പാക്കുമെന്നും സംസ്ഥാനത്ത് പരിശോധനകൾ കൂട്ടിയെന്നും മുഖ്യമന്ത്രി അറിയിച്ചു. നിലവില് ഉത്തർപ്രദേശിലും ഡൽഹിയിലും പ്രതിദിന വർധനവ് 25,000ന് മുകളിലാണ്.
ഡൽഹിയിലെ ആരോഗ്യ സംവിധാനങ്ങൾക്ക് ചെയ്യാനാകുന്നതിന്റെ പരിധി കടന്നെന്നു പറഞ്ഞ കേജരിവാൾ ലോക്ക്ഡൗൺ സമയത്ത് ആരോഗ്യമേഖലയിൽ കൂടുതൽ സംവിധാനങ്ങൾ ഒരുക്കാനാണ് ശ്രമിക്കുന്നതെന്നും കൂട്ടിച്ചേർത്തു.
അതേസമയം, ലോക്ക്ഡൗൺ താത്കാലികം മാത്രമാണെന്നും നീട്ടേണ്ടി വരില്ലെന്നാണ് പറഞ്ഞ മുഖ്യമന്ത്രി അതിഥി തൊഴിലാളികൾ സംസ്ഥാനം വിട്ട് പോകരുതെന്നും അഭ്യർഥിച്ചു.
Post a Comment