കുമ്പളയിൽ ഗ്രാമീണ കേരളോത്സവം ആഘോഷങ്ങൾക്ക് തുടക്കമായി

കുമ്പള:  കുമ്പള ഗ്രാമ പഞ്ചായത്തിൽ 2024-ലെ ഗ്രാമീണ കേരളോത്സവം ആഘോഷങ്ങൾക്ക് തുടക്കമായി. നവംബർ 23 മുതൽ 30 വരെ കുമ്പള സ്ക്രൂൾ ഗ്രൗണ്ടിലും പരിസരത്തുമായി നടക്കുന്ന ഈ ഉത്സവം ഗ്രാമീണ കലകളും കായിക വിനോദങ്ങളും പ്രോത്സാഹിപ്പിക്കുന്നതിനും ഗ്രാമീണ ജനതയുടെ സാംസ്കാരിക പൈതൃകത്തെ സംരക്ഷിക്കുന്നതിനുമായി സംഘടിപ്പിച്ചിരിക്കുന്നതാണ്.
ഉദ്ഘാടനം നിർവ്വഹിച്ച കുമ്പള ഗ്രാമ പഞ്ചായത്ത് പ്രസിഡന്റ് യുപി താഹിറ യൂസഫ് സംസാരിച്ചു. കാസർഗോഡ് ജില്ലാ പഞ്ചായത്ത് മെമ്പർ ജമീല സിദ്ധിഖ് മുഖ്യാതിഥിയായിരുന്നു. പഞ്ചായത്ത് വികസന സ്ഥിരസമിതി അധ്യക്ഷ സബൂറ ചടങ്ങിൽ അധ്യക്ഷത വഹിച്ചു. ക്ഷേമകാര്യ വികസന സമിതി അംഗം ബി എ റഹ്മാൻ കായിക താരങ്ങൾക്ക് ആശംസകൾ അർപ്പിച്ചു. ബ്ലോക്ക് പഞ്ചായത്ത് അംഗം പ്രേമാഷെട്ടി, പഞ്ചയായത് അംഗങ്ങളായ പ്രേമാവതി, മോഹന, രവിരാജ്, അജയ്, പുഷ്പലത ഷെട്ടി, സുലോചന, ശോഭ എന്നിവരും ചടങ്ങിൽ സംബന്ധിച്ച് സംസാരിച്ചു.