കളഞ്ഞുകിട്ടിയ ഒരു പവൻ സ്വർണ്ണാഭരണം ഉടമയ്ക്ക് കൈമാറി; മാതൃകയായി ബസ് ജീവനക്കാർ
കോട്ടേക്കാറിൽ നിന്നും കുമ്പളയിലേക്ക് വരികയായിരുന്ന മംഗൽപ്പാടി ഗവ. ഹയർ സെക്കൻഡറി സ്കൂൾ വിദ്യാർത്ഥിനിയുടെ കൈ ചെയിനാണ് ബസിൽ വെച്ച് നഷ്ടപ്പെട്ടത്. മാല ശ്രദ്ധയിൽപ്പെട്ട ഉടനെ തന്നെ ജീവനക്കാർ സാമൂഹിക മാധ്യമങ്ങൾ വഴി വിവരം പങ്കുവെക്കുകയും കുമ്പള പോലീസ് സ്റ്റേഷനിൽ അറിയിക്കുകയും ചെയ്തു. തുടർന്ന് നടത്തിയ അന്വേഷണത്തിനൊടുവിൽ ഉടമയെ കണ്ടെത്തുകയായിരുന്നു.
സ്വർണ്ണവില റെക്കോർഡുകൾ ഭേദിക്കുമ്പോഴും, കളഞ്ഞുകിട്ടിയ മുതലുകൾ തിരികെ നൽകാൻ കാണിച്ച ഇവരുടെ സത്യസന്ധതയെ കുമ്പള പോലീസും സിഐടിയു യൂണിയൻ ഭാരവാഹികളും നാട്ടുകാരും അഭിനന്ദിച്ചു. ഇരുവരും കുമ്പളയിലെ സിഐടിയു പ്രവർത്തകരാണ്.
Post a Comment