തലപ്പാടിയിൽ സ്രവശേഖരണം മുൻകരുതലൊന്നുമില്ലാതെ

 തലപ്പാടി : കോവിഡ് കണക്കുകളിൽ മുന്നിലെന്ന കാരണത്താൽ ജനങ്ങളുടെ സുരക്ഷയ്ക്കായി അതിർത്തികൾ കൊട്ടിയടക്കുമ്പോഴും മംഗളൂരുവിലേക്ക് യാത്രചെയ്യുന്നവർക്കായി ഒരുക്കിയ കോവിഡ് സ്രവശേഖരണ ഇടങ്ങളിൽ സുരക്ഷാ മാനദണ്ഡങ്ങളൊന്നുമില്ല.

ദക്ഷിണ കന്നഡ ജില്ലാ ഭരണകൂടവും കർണാടക ആരോഗ്യ വകുപ്പും ചേർന്നാണ് അതിർത്തിയിൽ സ്രവശേഖരണ കേന്ദ്രം ഒരുക്കിയിരിക്കുന്നത്‌. സ്രവം ശേഖരിക്കുന്ന ആരോഗ്യ പ്രവർത്തർ മാസ്കും കൈയുറയും മാത്രമാണ് ധരിച്ചിരിക്കുന്നത്.ടെന്റുകൾക്ക് സമീപത്ത് പോലീസുകാർ ഉൾപ്പെടുന്ന വലിയ ആൾക്കൂട്ടമാണ് മിക്കസമയത്തും. കേരളത്തിൽനിന്നെത്തുന്നവർ മാസ്ക് ധരിക്കുന്നുണ്ടെങ്കിലും അതിർത്തിക്കപ്പുറത്ത് അതെല്ലാം പ്രഹസനമാണെന്നാണ്‌ കാഴ്ചകൾ വ്യക്തമാക്കുന്നത്‌.