JHL

ബി ജെ പിയുടെ വി​ജ​യ​യാ​ത്രക്ക് കാസറഗോട്ട് ഉജ്ജ്വല തുടക്കം

കാസർകോട്​ (www.truenewsmalayalam.com):ബി.​ജെ.​പി സം​സ്ഥാ​ന അ​ധ്യ​ക്ഷ​ന്‍ കെ. ​സു​രേ​ന്ദ്ര​ന്‍ ന​യി​ക്കു​ന്ന വി​ജ​യ​യാ​ത്രക്ക് കാസറഗോട്ട് ഉജ്ജ്വല തുടക്കം. ഉത്തർപ്രദേശ്​ മുഖ്യമന്ത്രി യോഗി ആദിത്യനാഥ് ഉദ്‌ഘാടനം  ചെയ്തു.

 കേരളത്തെ ഇസ്​ലാമിക രാജ്യമാക്കാനുള്ള ഗൂഢാലോചനയാണ്​ ലവ്​ ജിഹാദെ​ന്ന്​​  അദ്ദേഹം പറഞ്ഞു. . കേരളത്തിൽ ലവ്​ ജിഹാദിനെതിരേ നിയമമില്ല. എന്നാൽ യു.പിയിൽ ഞങ്ങൾ ഇതിനായി ശക്​തമായ നിയമം നിർമിച്ചു. ലവ്​ ജിഹാദ്​ ഉണ്ടെന്ന്​ കോടതിയാണ്​ പറഞ്ഞത്​. എന്നിട്ടും ഇവിടത്തെ സർക്കാറുകൾ ഉറങ്ങുകയായിരുന്നു.


കേരളത്തിലെ ജനങ്ങളുടെ സുരക്ഷ സംബന്ധിച്ച്​ സർക്കാറുകൾക്ക്​ യാതൊരു ചിന്തയുമില്ലെന്നും അദ്ദേഹം പറഞ്ഞു. കേരളത്തിനും രാജ്യത്തിനും അപകടകരമായ കാര്യങ്ങളിൽ ഇവിടത്തെ പരമ്പരാഗത​ സർക്കാറുകൾ മൗനം പാലിക്കുകയാണ്​. അതിനാൽ ഇവിടെ ബി.ജെ.പിയുടെ ഭരണം വരണം. ബി.ജെ.പി നിങ്ങൾക്ക്​ സുരക്ഷയും സമാധനവും നൽകും. ശബരിമലയുടെ കാര്യത്തിൽ ജനങ്ങളുടെ താൽപ്പര്യങ്ങൾക്ക്​ വിരുദ്ധമായാണ്​ സർക്കാർ പ്രവർത്തിച്ചത്​. കേരളത്തിൽ മാറിമാറിവരുന്ന സർക്കാറുകൾ ജനനന്മക്കായി ഒന്നും ചെയ്​തിട്ടില്ലെന്നും യോഗി ആദിത്യനാഥ്​ പറഞ്ഞു.

 

മാ​ര്‍ച്ച് ഏ​ഴി​ന് വൈ​കീ​ട്ട് അ​ഞ്ചി​നാണ്​ വിജയയാത്രയുടെ സ​മാ​പ​ന സ​മ്മേ​ള​നം. ക​ണ്ണൂ​രി​ല്‍ കേ​ന്ദ്ര​മ​ന്ത്രി വി.​കെ. സി​ങ്, കോ​ഴി​ക്കോ​ട്ട്​ ദേ​വേ​ന്ദ്ര ഫ​ഡ്​​നാ​വി​സ്, മ​ല​പ്പു​റ​ത്ത് ഷാ​ന​വാ​സ് ഹു​സൈ​ൻ, തൃ​ശൂ​രി​ല്‍ കേ​ന്ദ്ര​മ​ന്ത്രി പ്ര​ഹ്ലാ​ദ് ജോ​ഷി, എ​റ​ണാ​കു​ള​ത്ത് ധ​ന​മ​ന്ത്രി നി​ര്‍മ​ല സീ​താ​രാ​മ​ൻ, കോ​ട്ട​യ​ത്ത്​ കേ​ന്ദ്ര​മ​ന്ത്രി സ്മൃ​തി ഇ​റാ​നി, ആ​ല​പ്പു​ഴ​യി​ൽ യു​വ​മോ​ര്‍ച്ച ദേ​ശീ​യ അ​ധ്യ​ക്ഷ​ന്‍ തേ​ജ​സ്വി സൂ​ര്യ, പ​ത്ത​നം​തി​ട്ട​യി​ൽ ബി.​ജെ.​പി അ​ഖി​ലേ​ന്ത്യ സെ​ക്ര​ട്ട​റി മീ​നാ​ക്ഷി ലേ​ഖി, പാ​ല​ക്കാ​ട്ട്​ ന​ടി ഖു​ശ്ബു സു​ന്ദ​ര്‍ എ​ന്നി​വ​ർ പ​ങ്കെ​ടു​ക്കും.

നേരത്തേ യോഗി ആദിത്യനാഥ്​ മലയാളത്തിൽ ട്വീറ്റും ചെയ്​തിരുന്നു. 'കേരളത്തിന് എന്‍റെ നമസ്കാരം .ശങ്കരാചാര്യന്‍റെയും ശ്രീനാരായണ ഗുരുവിന്‍റെയും പുണ്യഭൂമിയിൽ വീണ്ടും എത്താനുള്ള സൗഭാഗ്യം എനിക്ക് ലഭിച്ചിരിക്കുകയാണ്.ഇന്ന് ആരംഭിക്കുന്ന ബി.ജെ.പിവിജയയാത്രയിൽ ഞാൻ നിങ്ങളോടൊപ്പം പങ്കുചേരുന്നു. ജയ് ശ്രീരാം' -യോഗി ട്വീറ്റിൽ പറഞ്ഞു.

No comments