പോപുലർ ഫ്രണ്ട് ബിജെപി പ്രവർത്തകർ നേർക്കുനേർ ; പോലീസ് പ്രതിഷേധക്കാരെ അറസ്റ്റ് ചെയ്ത് നീക്കി
കാസർകോട് (www.truenewsmalayalam.com): ബി.ജെ.പി സംസ്ഥാന പ്രസിഡന്റ് കെ. സുരേന്ദ്രൻ നയിക്കുന്ന വിജയ യാത്രയുടെ ഉദ്ഘാടനത്തിന് കാസർകോടെത്തിയ യു.പി മുഖ്യമന്ത്രി യോഗി ആദിത്യനാഥിനെതിരേ പ്രതിഷേധം. പോപുലർ ഫ്രണ്ട് പ്രവർത്തകരാണ് കാസർകോട് നഗരത്തില് പ്രതിഷേധിച്ചത്.
യോഗി ഗോ ബാക്ക് മുദ്രാവാക്യവും ബാനറുമായാണ് നൂറുകണക്കിന് പ്രവർത്തകർ പ്രതിഷേധവുമായി എത്തിയത്. പ്രതിഷേധ സ്ഥലത്തേക്ക് ബി.ജെ.പി പ്രവർത്തകർ മാർച്ചുമായെത്തിയത് സംഘർഷാവസ്ഥ സൃഷ്ടിച്ചു. ഇരുകൂട്ടരും നേർക്കുനേർ എത്തിയതോടെ പൊലീസ് ഇടപെടുകയും പോപുലർ പ്രവർത്തകരെ അറസ്റ്റ് ചെയ്യുകയും ചെയ്തു. കെ. സുരേന്ദ്രൻ നയിക്കുന്ന വിജയ യാത്രയുടെ ഉദ്ഘാടനം കാസർകോട് താളിപ്പടുപ്പ് മൈതാനത്താണ് നടക്കുന്നത്.
Post a Comment