കുമ്പള ഗ്രാമ പഞ്ചായത്ത്‌ എസ് സി വിദ്യാർത്ഥികൾക്ക് ലാപ്ടോപ് വിതരണം ചെയ്തു

കുമ്പള(www.truenewsmalayalam.com) : കുമ്പള ഗ്രാമപഞ്ചായത്ത് 2024 - 25 വാർഷിക പദ്ധതി.എസ്.സി. വിദ്യാർത്ഥികൾക്ക് ലാപ്ടോപ്പ് വിതരണ ഉദ്ഘാടനം പഞ്ചായത്ത് പ്രസിഡന്റ് യു.പി.താഹിറ നിർവഹിച്ചു. 

 അസിസ്റ്റന്റ് സെക്രട്ടറി നിർവഹണ ഉദ്യോഗസ്ഥനായ ഈ പദ്ധതി പ്രകാരം  എസ്. സി വിഭാഗത്തിലെ ബിരുദ /ബിരുദാനന്തര വിദ്യാർത്ഥികളായ 8 പേർക്ക് 37,500/- രൂപ വിലയുള്ള ലാപ്ടോപ്പുകൾ വിതരണം ചെയ്തു.

 വൈസ് പ്രസിഡന്റ് നാസർ മൊഗ്രാൽ, വികസന സ്റ്റാൻഡിങ് കമ്മറ്റി ചെയർപേഴ്സൺ സബൂറ , ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ബി എ റഹ്മാൻ ആരിക്കാടി, പഞ്ചായത്ത്‌ അംഗങ്ങളായ കൗലത് ബീവി, മോഹന, രാവിരാജ്, അൻവർ ഹുസൈൻ, പുഷ്പലത ഷെട്ടി, റസിയ, സുലോചന, അനിൽ, വിവേകനന്ത ഷെട്ടി, വിദ്യ എൻ പൈ, അസിസ്റ്റന്റ് സെക്രട്ടറി ഇ.എ മാധവൻ, ജൂനിയർ സൂപ്രണ്ട് ഷൈജു, എന്നിവർ പങ്കെടുത്തു.