മൊഗ്രാൽ ഗാന്ധി നഗർ ശ്രീ കോഡ്ദബ്ബു ദൈവസ്ഥാന വാർഷിക നേമോത്സവം 13ന് തുടക്കം:പതിവ് തെറ്റിക്കാതെ ക്ഷണിക്കാൻ കാണിക്കയുമായി ക്ഷേത്ര ഭാരവാഹികൾ ജുമാ മസ്ജിദ് അങ്കണത്തിലെത്തി

മൊഗ്രാൽ.നൂറ്റാണ്ടുകളായി തുടർന്നുവരുന്ന മതസൗഹാർദ്ദാന്തരീക്ഷം കാത്തു സൂക്ഷിക്കുകയാണ് മൊഗ്രാൽ ഇശൽ ഗ്രാമം. ഗാന്ധിനഗർ ശ്രീ ഗോഡ്ദബ്ബു ദേവസ്ഥാന വാർഷിക നേമോത്സവം ഈ മാസം 13 മുതൽ 16 വരെ നടത്തപ്പെടുകയാണ്.പതിവ് തെറ്റിക്കാതെ തന്നെ നേ മോത്സവത്തിന് ക്ഷണനവുമായി ക്ഷേത്ര ഭാരവാഹികൾ കാണിക്കുകയുമായി മൊഗ്രാൽ വലിയ ജുമാമസ്ജിദ് അങ്കണത്തിൽ എത്തി.

 പള്ളി പരിസരത്ത് വെച്ച് പള്ളി ഇമാം അബൂബക്കർ ഹാഷിമി, ജുമാ മസ്ജിദ് കമ്മിറ്റി ഭാരവാഹികളായ വിപി അബ്ദുൽ ഖാദർ ഹാജി,ബിഎൻ മുഹമ്മദലി,ടിഎം ഷുഹൈബ്,ഇബ്രാഹിം കൊപ്പളം,എംജിഎ റഹ്മാൻ,എക്സിക്യൂട്ടീവ് അംഗങ്ങൾ,മഹല്ല്  നിവാസികൾ  ചേർന്ന് ക്ഷേത്ര കമ്മിറ്റി ഭാരവാഹികളെ സ്വീകരിച്ചു.ക്ഷേത്ര കമ്മിറ്റി ഭാരവാഹികളായ ജിദാനന്ദ,രമേശ് എന്നിവരാണ് കാണിക്കവുമായി പള്ളി പരിസരത്ത് എത്തിയത്.

 ജുമാ മസ്ജിദ് ഉറൂസ് പരിപാടികൾക്കും ക്ഷേത്ര കമ്മിറ്റി ഭാരവാഹികൾ ചീരണിയും, കാണിക്കുകയും നൽകാറുണ്ട്.അതേപോലെ ക്ഷേത്ര പരിപാടികൾക്കും ജുമാ മസ്ജിദ് കമ്മിറ്റി ഭാരവാഹികളും, മഹല്ല് നിവാസികളും സഹായങ്ങളും മറ്റും നൽകി സഹകരിക്കുന്നുണ്ട്.ഈ സൗഹാർദാന്തരീക്ഷത്തിന് നൂറ്റാണ്ടുകളുടെ പഴക്കമുണ്ട്.പൂർവികന്മാർ കാണിച്ചുതന്ന മാതൃകയാണിതെന്ന് മഹല്ല് നിവാസികൾ പറയുന്നു.