ക​ണ്ണൂ​രും കാ​സ​ർ​കോ​ടും റെഡ് അലർട്ട് ; ജില്ലയിൽ ക്വാറികളുടെ പ്രവർത്തനം താൽകാലികമായി നിർത്തിവെച്ചു; വിനോദ സഞ്ചാരത്തിന് നിരോധനം

കാസർകോട് : കാ​ല​വ​ർ​ഷം പ​ടി​വാ​തി​ലി​ൽ നി​ൽ​ക്കെ സം​സ്ഥാ​ന​ത്ത് പരക്കെ കനത്ത മഴ. തലസ്ഥാനത്ത് അടക്കം മരങ്ങൾ കടപുഴകി വീണു. കോഴിക്കോട്, കാസർകോട് ജില്ലകളിൽ ക്വാറികളുടെ പ്രവർത്തനം താൽകാലികമായി നിർത്തിവെച്ചു. വിനോദ സഞ്ചാരത്തിന് നിരോധനം ഏർപ്പെടുത്തി.

 കോഴിക്കോട്, കാസർകോട് ജില്ലകളിൽ ക്വാറികളുടെ പ്രവർത്തനം താൽകാലികമായി നിരോധിച്ചു. കാസർകോട് ജില്ലയിൽ വിനോദ സഞ്ചാര കേന്ദ്രങ്ങളിൽ നിയന്ത്രണം ഏർപ്പെടുത്തി. മണ്ണിടിച്ചിൽ ഉരുൾപൊട്ടൽ സാധ്യതയുള്ള സ്ഥലങ്ങളിൽ ട്രക്കിങ്ങിന് നിരോധനമുണ്ട്. മഴയെ തുടർന്ന് കാസർകോട് ജില്ലയിലെ വിനോദസഞ്ചാര കേന്ദ്രങ്ങൾ താൽകാലികമായി അടച്ചു.

 കാ​ല​വ​ർ​ഷം ഇന്ന് എത്താനിരിക്കെ സം​സ്ഥാ​ന​ത്ത് അ​ടു​ത്ത 48 മ​ണി​ക്കൂ​ർ അ​തി​തീ​വ്ര​മ​ഴ​ക്ക് സാ​ധ്യ​തയുണ്ട്. ഉ​രു​ൾ​പൊ​ട്ട​ൽ, മി​ന്ന​ൽ പ്ര​ള​യം, മ​ണ്ണി​ടി​ച്ചി​ൽ, വെ​ള്ള​ക്കെ​ട്ട് തു​ട​ങ്ങി​യ അ​പ​ക​ട​ങ്ങ​ൾ​ക്ക് ഈ ​മ​ഴ കാ​ര​ണ​മാ​യേ​ക്കാ​മെ​ന്ന് അ​ധി​കൃ​ത​ർ മു​ന്ന​റി​യി​പ്പ് ന​ൽ​കി. ഇ​തി​ന്‍റെ അ​ടി​സ്ഥാ​ന​ത്തി​ൽ വി​വി​ധ ജി​ല്ല​ക​ളി​ൽ റെ​ഡ്, ഓ​റ​ഞ്ച് അ​ല​ർ​ട്ടു​ക​ൾ പ്ര​ഖ്യാ​പി​ച്ചു.

ശ​നി​യാ​ഴ്ച ക​ണ്ണൂ​ർ, കാ​സ​ർ​കോ​ട്​ ജി​ല്ല​ക​ളി​ലും, മേ​യ് 25ന് ​മ​ല​പ്പു​റം, കോ​ഴി​ക്കോ​ട്, വ​യ​നാ​ട്, ക​ണ്ണൂ​ർ, കാ​സ​ർ​കോ​ട്​ ജി​ല്ല​ക​ളി​ലും, മേ​യ് 26ന് ​പ​ത്ത​നം​തി​ട്ട, ഇ​ടു​ക്കി, മ​ല​പ്പു​റം, കോ​ഴി​ക്കോ​ട്, വ​യ​നാ​ട്, ക​ണ്ണൂ​ർ, കാ​സ​ർ​കോ​ട്​ ജി​ല്ല​ക​ളി​ലും റെ​ഡ് അ​ല​ർ​ട്ട് പ്ര​ഖ്യാ​പി​ച്ചി​ട്ടു​ണ്ട്. 24 മ​ണി​ക്കൂ​റി​നു​ള്ളി​ൽ 204.4 മി​ല്ലി​മീ​റ്റ​റി​ൽ കൂ​ടു​ത​ൽ മ​ഴ ല​ഭി​ക്കു​മെ​ന്നാ​ണ് റെ​ഡ് അ​ല​ർ​ട്ട് സൂ​ചി​പ്പി​ക്കു​ന്ന​ത്.

ശ​നി​യാ​ഴ്ച പ​ത്ത​നം​തി​ട്ട, കോ​ട്ട​യം, എ​റ​ണാ​കു​ളം, ഇ​ടു​ക്കി, തൃ​ശൂ​ർ, പാ​ല​ക്കാ​ട്, മ​ല​പ്പു​റം, കോ​ഴി​ക്കോ​ട്, വ​യ​നാ​ട് ജി​ല്ല​ക​ൾ ഓ​റ​ഞ്ച് അ​ല​ർ​ട്ടി​ലാ​ണ്. കാ​ല​വ​ർ​ഷം അ​ടു​ത്ത 48 മ​ണി​ക്കൂ​റി​നു​ള്ളി​ലെ​ത്തു​മെ​ന്നാ​ണ് പ്ര​വ​ച​നം. മ​ധ്യ കി​ഴ​ക്ക​ൻ അ​റ​ബി​ക്ക​ട​ലി​ൽ വ​ട​ക്ക​ൻ ക​ർ​ണാ​ട​ക-​ഗോ​വ തീ​ര​ത്തി​ന് മു​ക​ളി​ലാ​യി രൂ​പ​പ്പെ​ട്ട ന്യൂ​ന​മ​ർ​ദം ശ​ക്തി​കൂ​ടി​യ ന്യൂ​ന​മ​ർ​ദ​മാ​യി മാ​റി​യ​തോ​ടെ, ശ​ക്ത​മാ​യ ക​ട​ൽ​ക്ഷോ​ഭ​മാ​ണ് അ​നു​ഭ​വ​പ്പെ​ടു​ന്ന​ത്.