കുമ്പളയിൽ ടോൾ ബൂത്ത് സ്ഥാപിക്കാനുള്ള നീക്കം ഉപേക്ഷിക്കണം - മർച്ചന്റ്സ് അസോസിയേഷൻ
കാസർകോട് താലൂക്കിലെ ജനങ്ങൾ വിവിധ ആവശ്യങ്ങൾക്കുവേണ്ടി മംഗളൂരുവിനെയാണ് ആശ്രയിക്കുന്നത്. രണ്ട് ടോൾ ഗേറ്റുകൾ തമ്മിൽ 60 കിലോമീറ്റർ ദൂരം വേണമെന്നിരിക്കെ കുമ്പളയിൽ ടോൾ ഈടാക്കുന്നതിൽ യാതൊരു ന്യായീകരണവും കാണുന്നില്ല.
ഉപ്പളയിലും മംഗളൂരുവിലുമായി കച്ചവടംചെയ്യുന്ന വ്യാപാരികൾക്ക് സാമ്പത്തികബാധ്യത ഉണ്ടാക്കുന്നതാണ് ഈ ടോൾ ബൂത്ത്. ദേശീയപാതാ നിർമാണത്തിനായി കഷ്ടതകൾ അനുഭവിച്ച വ്യാപാരികളെ നിരാശയിലാക്കുന്നതാണ് അധികൃതരുടെ ഈ നടപടി. രണ്ടാം റീച്ച് പൂർത്തിയാകുന്നതുവരെ ടോൾ പിരിക്കുന്നത് ഒഴിവാക്കാൻ തയ്യാറാകണമെന്നും യോഗം അഭിപ്രായപ്പെട്ടു. പ്രസിഡന്റ് ടി.എ. ഇല്യാസ് അധ്യക്ഷതവഹിച്ചു. കെ. ദിനേശ്, നെഹീം അങ്കോല, സി.കെ. ഹാരിസ്, കെ. ശശിധരൻ, അബ്ദുൾ ജലീൽ, എച്ച്. ഹാരിസ് എന്നിവർ സംസാരിച്ചു.
Post a Comment