മൊഗ്രാലിൽ മഞ്ഞപ്പിത്തം പടരുന്നു; നിരവധി വിദ്യാർത്ഥികൾ ചികിത്സ തേടി

മൊഗ്രാൽ(www.truenewsmalayalam.com) : മൊഗ്രാലിലും, പരിസരപ്രദേശങ്ങളിലും മഞ്ഞപ്പിത്തം പടരുന്നതായി ആരോഗ്യവകുപ്പിന്റെ കണ്ടെത്തൽ.നിരവധി വിദ്യാർത്ഥികൾ തൊട്ടടുത്ത ആരോഗ്യ കേന്ദ്രങ്ങളിൽ ചികിത്സ തേടിയതായാണ് വിവരം.

 രോഗം സ്ഥിരീകരിച്ചവർ തുടർ ചികിത്സ തേടണമെന്നും,  ചികിത്സ തേടാൻ വൈകുന്നത് രോഗം കരളിനെ ബാധിച്ച് ഗുരുതരമായ ആരോഗ്യപ്രശ്നങ്ങൾ ഉണ്ടാക്കുമെന്നും ആരോഗ്യവകുപ്പ് അധികൃതർ മുന്നറിയിപ്പ് നൽകിയിട്ടുണ്ട്.

 തിളപ്പിച്ചാറിയ വെള്ളം മാത്രം കുടിക്കുക, ഐസ് ചേർത്ത വെള്ളം, സർബത്തുകൾ കുടിക്കാതിരിക്കുക തുടങ്ങിയ നിർദ്ദേശങ്ങൾ കർശനമായി പാലിക്കണമെന്നും ആരോഗ്യവകുപ്പ് ആവശ്യപ്പെടുന്നുണ്ട്.

 അതേസമയം രോഗലക്ഷണങ്ങൾ വിദ്യാർത്ഥികളിൽ മാത്രം കണ്ടതിനാൽ ആരോഗ്യവകുപ്പിന്റെ ഭാഗത്ത് നിന്ന് സമഗ്രമായ പരിശോധന വേണമെന്ന് നാട്ടുകാരും,പിടിഎ ആവശ്യപ്പെടുന്നുണ്ട്.