കുത്തിരിപ്പ് മുഹമ്മദ് വിട പറഞ്ഞിട്ട് മൂന്ന് വർഷം; അനുസ്മരണ ചടങ്ങൊരുക്കാൻ മൊഗ്രാൽ ഫ്രണ്ട്സ് ക്ലബ്
മൊഗ്രാൽ(www.truenewsmalayalam.com) : മൊഗ്രാലിന്റെ ഫുട്ബോൾ ആചാര്യൻ കുത്തിരിപ്പ് മുഹമ്മദ് വിട പറഞ്ഞിട്ട് മൂന്ന് വർഷം.ഡിസംബർ 10 ലോക ഫുട്ബോൾ ദിനത്തിലായിരുന്നു കുത്തിരിപ്പ് മുഹമ്മദിന്റെ മരണം.
ഫുട്ബോൾ ഗ്രാമത്തെ ഒന്നാകെ കണ്ണീരിലാഴ്ത്തിയ ദിനമായിരുന്നു 2021 ഡിസംബർ 10.
ആ തേങ്ങലിൽ നിന്ന് ഫുട്ബോൾ ഗ്രാമം ഇതുവരെ മോചിതരായിട്ടില്ല.
മൊഗ്രാൽ സ്കൂൾ മൈതാനം ശൂന്യമാണ്, അദ്ദേഹത്തിന്റെ സ്മരണാർത്ഥം മൊഗ്രാൽ സ്കൂൾ മൈതാനത്തിന് കുത്തിരിപ്പ് മുഹമ്മദിന്റെ പേര് ജില്ലാ പഞ്ചായത്ത് നാമകരണവും ചെയ്തിരുന്നു.
ഇപ്പോൾ മൈതാനം ആ പേരിലാണ് അറിയപ്പെടുന്നത്.
കുത്തിരിപ്പ് മുഹമ്മദിന്റെ അനുസ്മരണ ചടങ്ങ് ഇന്ന് രാത്രി 8 മണിക്ക് ഫ്രണ്ട്സ് ക്ലബ് ഓഫീസിൽ വെച്ച് ചേരും. കായിക താരങ്ങളും നാട്ടിലെ ജനപ്രതിനിധികൾ ഉൾപ്പെടെ കലാസാമൂഹ്യ സാംസ്കാരിക വിദ്യാഭ്യാസ രംഗത്തെ പ്രമുഖ വ്യക്തിത്വങ്ങളും പങ്കെടുക്കുമെന്ന് ഫ്രണ്ട്സ് ക്ലബ് ഭാരവാഹികൾ അറിയിച്ചു.
Post a Comment