ഇസ്രായേൽ ഭീകരതയ്‌ക്കെതിരേ പി.ഡി.പി.യുടെ പ്രതിഷേധം കാസർഗോഡും മഞ്ചേശ്വരത്തും
കാസർഗോഡ് പഴയ ബസ്‌സ്റ്റാൻഡ് ഹെഡ്പോസ്റ്റ് ഓഫീസ് പരിസരത്ത് പി.ഡി.പി. കാസർഗോഡ് മണ്ഡലം കമ്മിറ്റിയാണ് പ്രതിഷേധ പരിപാടി സംഘടിപ്പിച്ചത്. ചടങ്ങ് പി.ഡി.പി. സംസ്ഥാന ജനറൽ സെക്രട്ടറി അജിത് കുമാർ ഉദ്ഘാടനം ചെയ്തു. "പലസ്തീൻ വഴി കയറി ഭീകര രാഷ്ട്രം നിർമ്മിക്കാൻ ഇസ്രായേൽ ജൂത പരിഷ്‌ക്കർത്താക്കൾ അധിനിവേശം നടത്തുന്നുവെന്നും, അതിനെതിരെയുള്ള പ്രതികരണമാണ് ഈ പ്രതിഷേധം," അദ്ദേഹം പറഞ്ഞു.
മണ്ഡലം പ്രസിഡണ്ട് മുഹമ്മദ് ആലംപാടി അധ്യക്ഷത വഹിച്ചു. ജില്ലാ പ്രസിഡണ്ട് യൂനുസ് തളങ്കര, ജില്ലാ സെക്രട്ടറി അഷ്റഫ് ബോവിക്കാനം, സംസ്ഥാന കൗൺസിൽ അംഗം ഖാദർ ആദൂർ എന്നിവർ സംസാരിച്ചു.ジョ. സെക്രട്ടറി ബഷീർ ചെറൂണി സ്വാഗതവും മുനിസിപ്പൽ കമ്മിറ്റി സെക്രട്ടറി റഫീഖ് തളങ്കര നന്ദിയും പറഞ്ഞു.
മഞ്ചേശ്വരം: മണ്ഡലം കമ്മിറ്റി ഹൊസങ്കടിയിൽ സംഘടിപ്പിച്ച പ്രതിഷേധം പി.ഡി.പി. സംസ്ഥാന സെക്രട്ടറിയേറ്റ് അംഗം എസ്.എം. അഹ്മദ് ബഷീർ ഉദ്ഘാടനം ചെയ്തു. മണ്ഡലം പ്രസിഡണ്ട് ഇബ്രാഹിം ത്വാഖാ അധ്യക്ഷനായി. കെ.പി. മുഹമ്മദ് ഉപ്പള, ഹനീഫ് പൊസോട്ട്, ഇബ്രാഹിം ഹൊസങ്കടി, മുനീർ പൊസോട്ട്, അബ്ബാസ് കൊടിയമ്മ തുടങ്ങിയവരും സംസാരിച്ചു. ഖാലിദ് ബംബ്രാണ സ്വാഗതവും റസാഖ് മുളിയടുക്ക നന്ദിയും പറഞ്ഞു.
Post a Comment