വായനാ ദിനം എം.എസ്. മൊഗ്രാൽ സ്മാരക ഗ്രന്ഥശാലയിൽ ആഘോഷിച്ചു
പരിപാടി മനോജ് കുമാർ (മഞ്ചേശ്വരം താലൂക്ക് ലൈബ്രറി കൗൺസിൽ സംയുക്ത സെക്രട്ടറി) ഉദ്ഘാടനം ചെയ്തു. മാഹിൻ മാസ്റ്റർ, നിസാർ പെർവാഡ്,അബ്ദു കാവുഘോളി എന്നിവർ ദിനത്തിന്റെ പ്രാധാന്യത്തെക്കുറിച്ചും ഭാവിയിലേക്കുള്ള വായനാശീലങ്ങളുടെ വളർച്ചയെക്കുറിച്ചും ആഴത്തിൽ പ്രഭാഷണം നടത്തി.
പ്രമുഖ ഇംഗ്ലീഷ് അധ്യാപികയും എം.ഐ.സി. കോളേജിലെ അസിസ്റ്റന്റ് പ്രൊഫസർ അയിഷത്ത് ഹിഷാനയെ ചടങ്ങിൽ ആദരിച്ചു. തുടർന്ന് ഹിഷാന ടീച്ചർ ഒരു വായനാ ചർച്ചയും നടത്തി. “ഒരു പുസ്തകത്തിൽ നിന്ന് ഒരു ലോകം” എന്ന ആശയവുമായി തുടർന്ന ചർച്ച പങ്കെടുത്തവർക്കെല്ലാം പുതിയ ചിന്തകൾക്ക് വഴിയൊരുക്കി.
അക്ബർ പെർവാഡ്, ബി.എൽ. അലി, മുഹമ്മദ് ,അബ്ദുള്ളകുഞ്ഞി,, ഫവാസ് ഇബ്രാഹിം , നസീർ, അഹ്മദ് അലി കുമ്പള,മുഹമ്മദ് എന്നിവർ ഹിഷാന ടീച്ചറെ അഭിനന്ദിച്ചു. ചടങ്ങിൽ മുഹമ്മദ് സുറ്തി, നിഷാദ്, സിദ്ദീഖ്, റിയാസ്, റിയ, നിദ, അസ്‌ലഹ് തുടങ്ങി നിരവധി പുസ്തക പ്രേമികൾ പങ്കെടുത്തു.
ചടങ്ങിന്റെ അവസാനത്തിൽ ലൈബ്രേറിയൻ ഹസ്സൻ ഉവൈസ് എല്ലാവർക്കും ഹൃദയപ്പൂർവം നന്ദി അറിയിച്ചു. പരിപാടി വായനയുടെ ശക്തിയേയും സമൂഹത്തിൽ അതിന്റെ ആവശ്യകതയേയും പുനർസ്ഥാപിച്ച ഒരു ഓർമയായാണ് തീർന്നത്.
Post a Comment