മുഴുവന്‍ കടകളും തുറക്കാന്‍ അനുവദിക്കണമെന്നാവശ്യപ്പെട്ട് നടത്തുന്ന കടയടപ്പ് സമരം പൂര്‍ണ്ണം
ദിവസക്രമവും സമയക്രമവും പാലിച്ച് മുഴുവന്‍ കടകളും തുറന്നുപ്രവര്‍ത്തിക്കാന്‍ അനുവദിക്കണമെന്നാവശ്യപ്പെട്ടാണ് കടയടപ്പുസമരം നടത്തുന്നത്. വിവിധ യൂണിറ്റ് കമ്മിറ്റികളുടെ നേതൃത്വത്തില്‍ അതാതിടങ്ങളിലെ സര്‍ക്കാര്‍ ഓഫീസുകള്‍ക്ക് മുന്നിലും പ്രധാന ടൗണുകള്‍ കേന്ദ്രീകരിച്ചും വീടുകള്‍ക്ക് മുന്നിലും പ്ലക്കാര്‍ഡുകള്‍ ഉയര്‍ത്തിയാണ് പ്രതിഷേധമറിയിച്ചത്. രാവിലെ 11 മുതല്‍ 12വരെയായിരുന്നു പ്രതിഷേധം.
കെ.വി.വി.ഇ.എസ് ജില്ലാ കമ്മിറ്റിയുടെ നേതൃത്വത്തില്‍ കാസര്‍കോട് കലക്ടറേറ്റില്‍ സംഘടിപ്പിച്ച നില്‍പ് സമരത്തിന് ജില്ലാപ്രസിഡണ്ട് കെ. അഹമദ് ഷരീഫ് ഉദ്ഘാടനം ചെയ്തു. ജനറല്‍ സെക്രട്ടറി കെ.ജെ സജി സ്വാഗതം പറഞ്ഞു. മേഖലാ പ്രസിഡണ്ട് എ.എ അസീസ് അധ്യക്ഷത വഹിച്ചു. ജില്ലാ വൈസ് പ്രസിഡണ്ട് ടി.എ ഇല്ല്യാസ്, ജില്ലാ സെക്രട്ടറി ജി.എസ് ശശിധര സംസാരിച്ചു. ജില്ലാ ട്രഷറര്‍ മാഹിന്‍ കോളിക്കര നന്ദി പറഞ്ഞു.
കുമ്പളയിൽ നടന്ന നിൽപ്പുസമരം ജനപങ്കാളിത്തംകൊണ്ട് ശ്രദ്ധേയമായി. കഴിഞ്ഞദഒന്നരവർഷക്കാലം വ്യാപാരികൾ അനുഭവിച്ച വേദനകൾ വിളിച്ചോതുന്നതായിരുന്നു സമരത്തിൽ കണ്ട് ആവേശം. യൂണിറ്റ് പ്രസിഡണ്ട് വിക്രം പൈ നിൽപ്പ് സമരം ഉദ്ഘാടനം ചെയ്തു . ജനറൽ സെക്രട്ടറി സത്താർ അരിക്കാടി സ്വാഗതം പറഞ്ഞു. വൈസ് പ്രസിഡണ്ട് അബ്ദുല്ല ഹിൽടോപ്, ചക്കര മമ്മിഞ്ഞി, സതീഷ് കൊല്ലം, കാദർ റഹ്മാനിയ, അഷ്‌റഫ് ജൻറ്‌സ്, ഗട്ടി, ഇബ്രാഹിം കെ.പി തുടങ്ങിയവർ സംസാരിച്ചു, തിങ്കളാഴ്ച മുതൽ മുഴുവൻ ഷോപ്പുകളും തുറക്കാൻ അനുമതി നൽകണമെന്നും,ആവശ്യപ്പെട്ടു. ട്രാഷ്റർ അൻവർ സിറ്റി നന്ദി പറഞ്ഞു.
Post a Comment