JHL

JHL

വിവാദങ്ങൾക്കൊടുവിൽ ജോസഫൈൻ രാജിവച്ചു.

 

തിരുവനന്തപുരം(www.truenewsmalayalam.com) : ഭർതൃ പീഡനത്തെക്കുറിച്ച് പരാതി പറയാൻ വിളിച്ച യുവതിയോട് മോശമായി പെരുമാറിയ സംഭവത്തിൽ വ്യാപക പ്രതിഷേധം ഉയർന്നതോടെ വനിത കമ്മീഷൻ അധ്യക്ഷ സ്ഥാനം എം.സി. ജോസഫൈൻ രാജിവെച്ചു. സി.പി.എം സംസ്ഥാന സെക്രട്ടേറിയറ്റിൽ ജോസഫൈൻ രാജിസന്നദ്ധത അറിയിക്കുകയായിരുന്നു. ഇത്​ പാർട്ടി നേതൃത്വം അംഗീകരിച്ചു. കാലാവധി അവസാനിക്കാൻ എട്ട്​ മാസം ബാക്കി നിൽക്കെയാണ്​ ജോസഫൈൻ രാജി വെച്ചിരിക്കുന്നത്.

വിവാദം സംബന്ധിച്ച്​ സംസ്ഥാന സെക്രട്ടേറിയറ്റിൽ ജോസഫൈൻ വിശദീകരണം നൽകി. തെറ്റുപറ്റി എന്ന് സംസ്ഥാന സെക്രട്ടേറിയറ്റിൽ അവർ വിശദീകരിച്ചെന്നാണ്​ വിവരം.

സ്വകാര്യ ചാനലിൽ നടന്ന ലൈവ്​ ഷോയിൽ ഗാർഹികപീഡന പരാതി പറഞ്ഞ യുവതിയോടാണ്​​ എം.സി ജോസഫൈൻ നീതിരഹിതമായി പ്രതികരിച്ചത്​.

'2014ൽ ആണ്​ കല്യാണം കഴിഞ്ഞത്​. ഭർത്താവ്​ വിദേശത്ത്​​ പോയ ശേഷം അമ്മായിയമ്മ ശാരീരികമായി മർദ്ദിക്കുകയും മാനസികമായി പീഡിപ്പിക്കുകയും ചെയ്യാറുണ്ട്​. ഭർത്താവിൽ നിന്നും സമാനമായ പീഡനമേറ്റു' -യുവതി വനിതാ കമീഷന് ​േഫാണിലൂടെ​ നൽകിയ പരാതിയിൽ പറയുന്നു. ഇത്​ കേട്ട ഉടൻ, നിങ്ങൾ എന്ത്​ കൊണ്ട്​ പൊലീസിൽ പരാതി നൽകിയില്ലെന്നാണ്​​ ജോസഫൈൻ ചോദിച്ചത്​. ഞാൻ ആരെയും അറിയിച്ചില്ലെന്ന്​ യുവതി മറുപടി നൽകി. ഇതോടെ, 'എന്നാൽ പിന്നെ അനുഭവിച്ചോ' എന്നായിരുന്നു​ ജോസഫൈൻെറ മറുപടി.

പാർട്ടി അനുകൂലികൾ പോലും സമൂഹ മാധ്യമങ്ങളിലടക്കം ജോസഫൈനെതി​രെ രംഗത്തെത്തിയിരുന്നു. പാർട്ടിയുടെ മുതിർന്ന നേതാക്കൾക്കും പരാമർശത്തിൽ അതൃപ്​തിയുണ്ടായിരുന്നു.












No comments