കോവിഡ് മൂന്നാം തരംഗം ഉറപ്പ്; രണ്ട് മാസത്തിനുള്ളിലെന്ന് എയിംസ് മേധാവി
ന്യൂഡൽഹി(www.truenewsmalayalam.com) : രാജ്യത്ത് കോവിഡിന്റെ മൂന്നാം തരംഗം അനിവാര്യമാണെന്നും അടുത്ത ആറ്-എട്ട് ആഴ്ചയ്ക്കുള്ളിൽ ഉണ്ടായേക്കാമെന്നും എയിംസ് മേധാവി ഡോ. രൺദീപ് ഗുലേറിയ. ദേശീയ തലത്തിൽ കോവിഡ് കേസുകളുടെ എണ്ണം കൂടിവരാൻ കുറച്ച് സമയം എടുക്കും. എന്നാൽ അടുത്ത ആറ് മുതൽ എട്ട് ആഴ്ചയ്ക്കുള്ളിൽ ഇത് സംഭവിക്കാമെന്നും എയിംസ് മേധാവി പറഞ്ഞു.
രാജ്യത്ത് എല്ലായിടവും തുറന്നുകൊടുക്കുകയാണ്. ഇതോടെ കോവിഡ് മാനദണ്ഡങ്ങളെല്ലാം ലംഘിക്കപ്പെടും. ആദ്യ രണ്ട് തംരഗങ്ങളിൽനിന്നും നമ്മൾ പാഠം ഉൾക്കൊണ്ടിട്ടില്ല. എല്ലായിടത്തും ആൾക്കൂട്ടം ഉണ്ടായിവരുന്നു. ആളുകൾ ഒത്തുകൂടുന്നു. കേസുകളുടെ എണ്ണം ദേശീയ തലത്തിൽ ഉയരാൻ കുറച്ച് സമയമെടുക്കും.
അടുത്ത ആറ് മുതൽ എട്ട് ആഴ്ചയ്ക്കുള്ളിൽ ഇത് സംഭവിക്കാമെന്നും അദ്ദേഹം പറഞ്ഞു. എന്നാൽ ഇതെല്ലാം കോവിഡ് മാനദണ്ഡങ്ങൾ ജനങ്ങൾ എങ്ങനെ പാലിക്കുമെന്നതിനെയും ആൾക്കൂട്ടം എങ്ങനെ തടയാമെന്നതിനെയും ആശ്രയിച്ചാണിരിക്കുന്നതെന്നും അദ്ദേഹം കൂട്ടിച്ചേർത്തു.
Post a Comment