എട്ടു വയസ്സുള്ള മകളെ മദ്യം കുടിപ്പിച്ച സംഭവത്തിൽ പിതാവിനെ പൊലീസ് അറസ്റ്റ് ചെയ്തു.

കാഞ്ഞങ്ങാട്(www.truenewsmalayalam.com) : എട്ടു വയസ്സുള്ള മകളെ മദ്യം കുടിപ്പിച്ച സംഭവത്തിൽ പിതാവിനെ പൊലീസ് അറസ്റ്റ് ചെയ്തു. ഇയാൾ മദ്യപിക്കുന്നതിനിടെ കുട്ടിക്കും ഗ്ലാസിൽ മദ്യം ഒഴിച്ചു നൽകുകയായിരുന്നു. വേണ്ടെന്നു വാശി പിടിച്ചെങ്കിലും നിർബന്ധിച്ച് കുടിപ്പിച്ചു. മദ്യം അകത്തു ചെന്നതോടെ കുട്ടി ഛർദിച്ചു തുടങ്ങി.

ഈ സമയത്തു കുട്ടിയുടെ സഹോദരനും വീട്ടിലുണ്ടായിരുന്നു. ജ്യേഷ്ഠനെത്തി നോക്കിയപ്പോൾ ഛർദിച്ച് അവശയായ സഹോദരിയെയാണു കണ്ടത്.  സംഭവമറിഞ്ഞു സമീപത്തെ വീട്ടിൽ നിന്നു ബന്ധുക്കളെത്തി കുട്ടിയെ ജില്ലാ ആശുപത്രിയിലേക്ക് മാറ്റി. ജില്ലാ ആശുപത്രി അധികൃതരാണു സംഭവം പൊലീസിനെ അറിയിച്ചത്. ഉടൻ തന്നെ പൊലീസ് കേസെടുക്കുകയും ചെയ്തു.