JHL

JHL

കാരവൻ ടൂറിസം ബേക്കലിലും.

കാസർകോട്​(www.truenewsmalayalam.com) : കേരള ടൂറിസത്തി‍ൻെറ ഫ്ലാഗ്ഷിപ് പദ്ധതിയായ കാരവൻ ടൂറിസം ബേക്കലിൽ നടപ്പാക്കും.

 ബേക്കൽ ബീച്ച് പാർക്കി‍ൻെറ നവീകരണ പ്രവൃത്തി ഉടൻ ആരംഭിക്കും. ബേക്കൽ റിസോർട്​സ്​ ഡെവലപ്​മെന്‍റ്​ കോർപ്പറേഷ‍ൻെറ പ്രവർത്തനം അവലോകനം ചെയ്യാൻ മന്ത്രി പി.എ. മുഹമ്മദ് റിയാസി‍ൻെറ അധ്യക്ഷതയിൽ ചേർന്ന യോഗത്തിലാണ്​ തീരുമാനം.

അജാനൂർ പഞ്ചായത്തിലെ കൊളവയൽ റിസോർട്ട് സൈറ്റിൽ ഇക്കോ ടൂറിസത്തിൽ അധിഷ്ഠിതമായ പദ്ധതി നടപ്പിലാക്കാനും ബേക്കൽ റിസോർട്​സ്​​ ഡെവലപ്​മെന്‍റ്​ കോർപറേഷന് സ്വന്തമായി ഓഫിസ്​ നിർമിക്കാനും തീരുമാനിച്ചു.

 കോട്ടപ്പുറത്ത് ഹൗസ്​ബോട്ട് ഹബും ഫെസിലിറ്റി സെന്‍ററും സജ്ജമാക്കും. ഹെലി ടൂറിസം പദ്ധതിക്കാവശ്യമായ ഹെലിപോർട്ട് നിർമിക്കും. തച്ചങ്ങാട് സാംസ്​കാരിക കേന്ദ്രം പ്രവർത്തനക്ഷമമാക്കും.

 വെഡിങ്​ ടൂറിസം, കരകൗശല വസ്​തുക്കളുടെ വിപണന കേന്ദ്രം തുടങ്ങിയവയെല്ലാം ഉൾക്കൊള്ളുന്നതായിരിക്കും ഈ കേന്ദ്രം. ബേക്കൽ റിസോർട്​സ്​​ ഡെവലപ്​മെന്‍റ്​​ കോർപ്പറേഷൻ പ്രവർത്തനം കൂടുതൽ കാര്യക്ഷമതയോടെയും സമയബന്ധിതമായും തീർക്കാൻ മന്ത്രി നിർദേശിച്ചു.

 മുടങ്ങിക്കിടക്കുന്ന റിസോർട്ടുകളുടെ നിർമാണം പുനരാരംഭിക്കുകയോ പുതിയ സംരംഭകരെ കണ്ടെത്തുകയോ വേണമെന്ന് മന്ത്രി ആവശ്യപ്പെട്ടു.

 വിനോദസഞ്ചാര വകുപ്പ് അഡീഷനൽ ചീഫ് സെക്രട്ടറി ഡോ. വി. വേണു​, ഡയറക്ടർ കൃഷ്ണതേജ​, ബി.ആർ.ഡി.സി മാനേജിങ്​ ഡയറക്ടർ പി. ഷിജിൻ എന്നിവർ സംസാരിച്ചു.





No comments