ലക്ഷങ്ങൾ വിലമതിക്കുന്ന സ്വർണ്ണവുമായി കാസർഗോഡ് സ്വദേശി കണ്ണൂർ വിമാനത്താവളത്തില് പിടിയിൽ.
കാസര്കോട്(www.truenewsmalayalam.com) : കണ്ണൂർ രാജ്യാന്തര വിമാനത്താവളത്തിൽ 34 ലക്ഷം രൂപയുടെ സ്വർണം പിടികൂടി.
ഇന്നലെ രാത്രി ദുബായിയിൽനിന്നു ഗോ എയർ വിമാനത്തിൽ എത്തിയ കാസർഗോഡ് പെരിങ്ങളെ സ്വദേശി അഹമ്മദിൽ നിന്നാണ് 702 ഗ്രാം സ്വർണം പിടികൂടിയത്.
കസ്റ്റംസ് ചെക്കിംഗ് പരിശോധനയിൽ സംശയം തോന്നിയതിനെത്തുടർന്നു പരിശോധിച്ചപ്പോഴാണ് സ്വർണം കണ്ടെത്തിയത്. പേസ്റ്റ് രൂപത്തിലാക്കിയ സ്വർണം മൂന്നു ഗുളിക മാതൃകയിലാക്കി ശരീരത്തിനുള്ളിൽ ഒളിപ്പിച്ചു വച്ച നിലയിലായിരുന്നു. പേസ്റ്റ് രൂപത്തിലുള്ള സ്വർണം 813 ഗ്രാം ഉണ്ടായിരുന്നുവെങ്കിലും വേർതിരിച്ചെടുത്തപ്പോൾ 702 ഗ്രാം സ്വർണമാണ് ലഭിച്ചത്.
യാത്രക്കാരനെ കസ്റ്റഡിയിലെടുത്ത് അറസ്റ്റ് രേഖപ്പെടുത്തി.
Post a Comment