മയക്കുമരുന്ന് കടത്ത് വ്യാപമാകുന്നു; ഡിവൈ.എസ്.പിയുടെ കീഴില് പ്രത്യേക സ്ക്വാഡ്
കാസര്കോട്, കുമ്പള, മഞ്ചേശ്വരം, ബേക്കല്, മേല്പ്പറമ്പ്, ആദൂര് പൊലീസ് സ്റ്റേഷന് പരിധികളിലാണ് സ്ക്വാഡിന്റെ പ്രവര്ത്തനം. ഈ പൊലീസ് സ്റ്റേഷനുകളിലെ സി.ഐമാരെയും എസ്.ഐമാരെയും ഉള്പ്പെടുത്തിയാണ് സ്ക്വാഡ് രൂപവത്കരിച്ചത്. ആദൂര്, തലപ്പാടി ചെക്ക് പോസ്റ്റുകളില് വാഹനപരിശോധനയും കർശനമാക്കും.
കര്ണാടകയില് നിന്ന് വാഹനങ്ങളിലും ട്രെയിനുകളിലും എം.ഡി.എം.എ കടത്തുന്നുണ്ടെന്നാണ് പൊലീസിന് ലഭിച്ച സൂചന. റെയില്വെ സ്റ്റേഷനിലും പരിശോധനക്ക് പൊലീസിനെ നിയോഗിക്കും.
കാസര്കോട് പഴയ ബസ് സ്റ്റാൻഡ്, പുതിയ ബസ് സ്റ്റാൻഡ്, കെ.എസ്.ആര്.ടി.സി ബസ് സ്റ്റാൻഡ് എന്നിവിടങ്ങളില് രാത്രി നിരീക്ഷണം ശക്തമാക്കും. നഗരത്തിലെ വിവിധ ക്വാര്ട്ടേഴ്സുകളില് വാടകക്ക് താമസിക്കുന്ന ഇതര സംസ്ഥാനക്കാരുടെ നീക്കങ്ങളും നിരീക്ഷിക്കും.
കർണാടക വഴിയാണ് ജില്ലയിൽ വ്യാപകമായി മയക്കുമരുന്ന് കടത്തുന്നത്. ജില്ല പൊലീസ് മേധാവിയുടെ നിർദേശപ്രകാരം നിലവിൽ കർശന പരിശോധനയാണ് നടത്തുന്നത്. പ്രത്യേക സ്ക്വാഡ് കൂടിയാവുന്നതോടെ മയക്കുമരുന്ന് വേട്ട കൂടുതൽ ശക്തമാവും.
Post a Comment