ഷഹാനയുടെ മരണം; ഭർത്താവ് സജാദിനെ തെളിവെടുപ്പിനായി വീട്ടിലെത്തിച്ചു.

കോഴിക്കോട്(www.truenewsmalayalam.com) : നടിയും മോഡലുമായ ഷഹാനയുടെ ദുരൂഹമരണത്തെ തുടർന്ന് അറസ്റ്റിലായ ഭർത്താവ് സജാദിനെ കോഴിക്കോട് പറമ്പിൽ ബസാറിലെ വാടകവീട്ടിലെത്തിച്ച് പൊലീസ് തെളിവെടുത്തു. ഷഹാന തൂങ്ങിമരിച്ചതാണെന്നായിരുന്നു സജാദ് പറഞ്ഞിരുന്നത്. എന്നാൽ, ജനലഴിയിൽ കണ്ട ചെറിയ കഷണം കയറിൽ തൂങ്ങിമരിച്ചെന്ന വാദം വിശ്വസിക്കാനാകുമോയെന്ന കാര്യമാണ് പൊലീസ് പരിശോധിക്കുന്നത്. തെളിവെടുപ്പിന് ശേഷം സജാദിനെ കോടതിയിൽ ഹാജരാക്കാനായി കൊണ്ടുപോയി.

സജാദിന്‍റെ മുറിയിൽ നിന്ന് ലഹരി വസ്തുക്കളും മറ്റും കണ്ടെടുത്തതായി വിവവരമുണ്ട്. ഫുഡ് ഡെലിവറി ബിസിനസിന്‍റെ മറവിൽ സജാദ് ലഹരിക്കച്ചവടം നടത്തിയിരുന്നതായി പൊലീസ് പറയുന്നു. ഇന്നലെ രാത്രിയാണ് പൊലീസ് സജാദിന്‍റെ അറസ്റ്റ് രേഖപ്പെടുത്തിയത്. സ്ത്രീപീഡനം, ആത്മഹത്യാ പ്രേരണ എന്നീ കുറ്റങ്ങൾ ചുമത്തിയാണ് ചേവായൂർ പൊലീസ് അറസ്റ്റ് ചെയ്തത്.