പുത്തൂർ (www.truenewsmalayalam.com): പ്രായപൂർത്തിയാകാത്ത ആൺകുട്ടിയെ വീട്ടിലേക്ക് ഇറക്കിവിടാനെന്ന വ്യാജേന ആളൊഴിഞ്ഞ സ്ഥലത്തേക്ക് കൊണ്ടുപോയി ലൈംഗികമായി പീഡിപ്പിച്ച കേസിൽ പ്രതിയായ ഒരാളെ സാമ്പ്യ പോലീസ് അറസ്റ്റ് ചെയ്തു. കാസർകോട് ജില്ലയിലെ നെക്രാജെ സ്വദേശി ശ്രീജിത്ത് (27) ആണ് അറസ്റ്റിലായത്. ഏപ്രിൽ 22 നായിരുന്നു സംഭവം. ഇരയായ കുട്ടിയുടെ മാതാപിതാക്കൾ സാമ്പ്യ പോലീസിൽ പരാതി നൽകിയിരുന്നു. റൂറൽ സിഐ ഉമേഷ് ഉപ്പളികെയുടെ നേതൃത്വത്തിൽ എസ്പി ഹൃഷികേശ് ഭഗവാൻ സോനവാനെ, അഡീഷണൽ എസ്പി കുമാര ചന്ദ്ര, പുത്തൂർ ഡിവൈഎസ്പി ഡോ.ഗണ പി കുമാർ എന്നിവരുടെ നേതൃത്വത്തിലാണ് ഓപ്പറേഷൻ നടത്തിയത്. പുത്തൂർ റൂറൽ പൊലീസ് സ്റ്റേഷനിലെ എസ് ഐ ഉദയരവിയുടെ നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത്. ശ്രീജിത്തിനെ പുത്തൂർ കോടതിയിൽ ഹാജരാക്കി.
Post a Comment