ഭക്ഷ്യവിഷ ബാധ തടയാൻ കുമ്പളയിൽ പാചകതൊഴിലാളികൾകക്ക് ആരോഗ്യ വകുപ്പിൻ്റെ പരിശീലനം

കുമ്പള:ആരോഗ്യജാഗ്രത യുടെ ഭാഗമായി കുമ്പള സാമൂഹിക ആരോഗ്യ കേന്ദ്രത്തിന്റെ ആഭിമുഖ്യത്തിൽ സ്കൂളുകളിലും,അംഗൻവാടികളിലും ഭക്ഷ്യവിഷബാധ തടയുക എന്ന ലക്ഷ്യത്തോടെ പാചക തൊഴിലാളികൾക്കായി ബോധവൽക്കരണ പരിശീലന പരിപാടി സംഘടിപ്പിച്ചു.

ഭക്ഷണം പാകംചെയ്യുമ്പോൾ ശ്രദ്ധിക്കേണ്ട ആരോഗ്യ കാര്യങ്ങൾ,വ്യക്തിശുചിത്വം,പരിസരശുചിത്വം,ഭക്ഷണം,കുടിവെള്ളം എന്നിവയിലൂടെ പകരുന്ന രോഗങ്ങൾ,രോഗ പ്രതിരോധം എന്നീ വിഷയങ്ങളിൽ ക്ലാസ്സുകൾ കൈകാര്യം ചെയ്തു.

കുമ്പള ഗ്രാമപഞ്ചായത്തിലെ സ്കൂൾ,അംഗനവാടികളിൽ നിന്നുള്ള പാചക തൊഴിലാളികൾ പങ്കെടുത്തു.

മെഡിക്കൽ ഓഫീസർ ഡോ: കെ.ദിവാകര റൈ ഉദ്ഘാടനം ചെയ്തു. ഹെൽത്ത് സൂപ്പർവൈസർ ബി. അഷ്റഫ് ,ഹെൽത്ത് ഇൻസ്പക്ടർ നിഷാമോൾ,ജൂനിയർ ഹെൽത്ത് ഇൻസ്പെക്ടർ ബാലചന്ദ്രൻ സി.സി എന്നിവർ ക്ലാസ്സുകൾ കൈകാര്യം ചെയ്തു.

ജൂനിയർ ഹെൽത്ത് ഇൻസ്പെക്ടർ മാരായ ആദർശ് കെകെ സ്വാഗതവും അഖിൽ കാരായി നന്ദിയും പറഞ്ഞു.