കാസറഗോഡ് സ്വദേശി ദുബായിൽ മുങ്ങി മരിച്ചു

ദുബായ് (True News 19.൦൯.2020): കാസർകോട് ചെങ്കള സ്വദേശി  മുങ്ങി മരിച്ചു . ശനിയാഴ്ച്ച ഉച്ചയോടെയാണ് സ്വിമ്മിങ് പൂളിൽ കുളിക്കവേ മരണപ്പെട്ടത്. ഹൃദയാഘാതം മൂലം മരിച്ചതായാണ്  പ്രാഥമിക നിഗമനം. പരേതനായ മുഹമ്മദ് പാണൂസിന്റെയും ബീഫാത്തിമ്മയുടെയും മകൻ അജീർ പാണൂസ് എന്ന അബ്ദുൽ അജീർ (41) ആണ്  മരിച്ചത്. ദുബൈ ശെയ്ഖ് പാലസിൽ ജീവനക്കാരനായിരുന്നു അജീർ.

മൃതദേഹം ബർദുബൈ പോലീസ് ഇൻക്വസ്റ്റ് നടത്തി തുടര്നടപടികൾക്കായി റാശിദ് ഹോസ്പിറ്റലിലേക്ക് മാറ്റി.  മൂത്ത സഹോദരൻ ഹാരിസ് പാനൂസ്  ജനുവരിയിൽ ദുബൈയിൽ മരിച്ചിരുന്നു. ഇതോടെ കുടുംബവും നാട്ടുകാരും ദുഖത്തിലായി. 

ഭാര്യ :ഫർസാന, ഏക മകൾ: ഫില ഫാത്വിമ

മറ്റു സഹോദരങ്ങൾ: സാജിദ്, അബ്ദുൽ റഹ്മാൻ, സുഫൈർ.