എ.പി.അബ്ദുള്ളക്കുട്ടി ബിജെപി ദേശീയ ഉപാധ്യക്ഷന്
ന്യൂഡല്ഹി(True News 26.09.2020): ബിജെപിയുടെ പുതിയ ദേശീയ ഭാരവാഹി പട്ടിക പ്രഖ്യാപിച്ചു. കോണ്ഗ്രസ് വിട്ട് ബിജെപിയില് എത്തിയ മുന് എംപി എ.പി.അബ്ദുള്ളക്കുട്ടിയെ ദേശീയ ഉപാധ്യക്ഷനായി നിയമിച്ചു. തേജസ്വി സൂര്യയാണ് യുവമോര്ച്ചയുടെ പുതിയ അധ്യക്ഷന്.
പാര്ട്ടി ദേശീയ അധ്യക്ഷന് ജെ.പി.നഡ്ഡയാണ് 23 പുതിയ പാര്ട്ടി ഭാരവാഹികളെ പ്രഖ്യാപിച്ചത്. 12 ഉപാധ്യക്ഷന്മാരും എട്ട് ജനറല് സെക്രട്ടറിമാരും പട്ടികയിലുണ്ട്.
കോണ്ഗ്രസ് വിട്ട് എത്തിയ മലയാളി ടോം വടക്കന്, രാജീവ് ചന്ദ്രശേഖര് എന്നിവര് പാര്ട്ടിയുടെ ദേശീയ വക്താക്കളായി. പൂനം മഹാജന് പകരമായാണ് തേജ്വസി സൂര്യ യുവമോര്ച്ച അധ്യക്ഷ സ്ഥാനത്തേക്ക് എത്തുന്നത്.
അതേസമയം മുതിര്ന്ന നേതാവ് കുമ്മനം രാജശേഖരന്, ശോഭ സുരേന്ദ്രന് എന്നിവര്ക്ക് പുതിയ പട്ടികയിലും പദവികളൊന്നും ലഭിച്ചിട്ടില്ല.കെ.സുരേന്ദ്രന് സംസ്ഥാന അധ്യക്ഷനായതോടെ സജീവ രാഷ്ട്രീയത്തില് നിന്നും ഉള്വലിഞ്ഞ ശോഭയ്ക്ക് പുതിയ പട്ടികയില് പ്രാതിനിധ്യമുണ്ടാകുമെന്ന പ്രതീക്ഷയുണ്ടായിരുന്നു.മിസോറാം ഗവര്ണര് സ്ഥാനം രാജിവച്ച് ലോക്സഭാ തെരഞ്ഞെടുപ്പില് മത്സരിച്ച് തോറ്റ കുമ്മനത്തെയും ദേശീയ നേതൃത്വം പരിഗണിക്കാതിരുന്നത് വരും ദിവസങ്ങളില് ചര്ച്ചയാകും.
Post a Comment