ഹിജാബ് വിവാദം; പരീക്ഷ ബഹിഷ്കരിച്ച് വിദ്യാർഥിനികൾ.
ഉഡുപ്പി, കുന്താപുര, ബൈന്ദൂർ എന്നിവിടങ്ങളിലെ സർക്കാർ കോളേജുകളിലെ വിദ്യാർഥിനികളാണ് പരീക്ഷ എഴുതാതെ പ്രതിഷേധമറിയിച്ചത്. കുന്താപുര കോളേജിലെ 24-ഉം ബൈന്ദൂരിലെ 14-ഉം ഉഡുപ്പി ഗവ. കോളേജിലെ രണ്ടും വിദ്യാർഥിനികളാണ് പരീക്ഷയെഴുതാതെ വിട്ടുനിന്നത്.
വിദ്യാഭ്യാസ സ്ഥാപനങ്ങളിലെ യൂണിഫോമിൽ മതചിഹ്നങ്ങൾ പാടില്ലെന്നും ഇത്തരത്തിലുള്ള വസ്ത്രങ്ങൾ ധരിച്ച് ക്ലാസ് മുറിയിൽ കയറാൻ പാടില്ലെന്നും കർണാടക ഹൈക്കോടതി വിധിച്ചിരുന്നു.
ഈ വിധിയിൽ തൃപ്തരല്ലെന്നുപറഞ്ഞാണ് വിദ്യാർഥിനികൾ പരീക്ഷ എഴുതേണ്ടെന്ന് തീരുമാനിച്ചത്. സുപ്രീം കോടതി വിധിക്കായി പ്രതീക്ഷയോടെ കാത്തിരിക്കുകയാണെന്ന് ഇവർ പറഞ്ഞു. അതേസമയം ചില സ്വകാര്യ കോളേജുകളിൽ ഹിജാബണിഞ്ഞ് വിദ്യാർഥിനികൾ എത്തിയെങ്കിലും അധികൃതർ മൗനാനുവാദം നൽകുകയായിരുന്നു.
Post a Comment