കമ്പാർ : മുറ്റത്ത് കളിച്ചു കൊണ്ടിരിക്കെ കാണാതായ മൂന്നു വയസുകാരനെ കുളത്തിൽ വീണു മരിച്ച നിലയിൽ കണ്ടെത്തി. ചൗക്കി ബെദ്രഡുക്ക കമ്പാറിലെ റഹ്മാനിയ മൻസിലിൽ നൗഷാദിന്റെയും മറിയം ഷാനിഫയുടെയും മകനായ മുഹമ്മദ് സോഹൻ ഹബീബിനെയാണ് വീടിന് സമീപത്തെ കുളത്തിൽ മരിച്ച നിലയിൽ കണ്ടെത്തിയത്. ഞായറാഴ്ച ഉച്ച മുതൽ കുട്ടിയെ വീട്ടിൽ നിന്നും കാണാതായിരുന്നു. വീട്ടുകാരും അയൽക്കാരും നടത്തിയ തിരച്ചിലിലാണ് കുളത്തിൽ അബോധാവസ്ഥയിൽ കണ്ടെത്തിയത്. ഉടൻ ആശുപത്രിയിലെത്തിച്ചെങ്കിലും ഡോക്ടർമാർ മരണം സ്ഥീരികരിക്കുകയായിരുന്നു. നൗഷാദിന്റെയും മറിയം ഷാനിഫയുടെയുംഏക മകന്റെ വേർപാട് നാടിനെ കണ്ണീരിലാഴ്ത്തി.
Post a Comment