എസ് ഡി പി ഐ പ്രവർത്തകന് വെട്ടേറ്റ സംഭവം: നാല് പേർക്കെതിരെ കൊലപാതക ശ്രമത്തിന് കേസ്
കുമ്പള (www.truenewsmalayalam.com):കഴിഞ്ഞ ദിവസം കുമ്പളയിൽ എസ് ഡി പി ഐ പ്രവർത്തകന് കുത്തേറ്റ സംഭവത്തിൽ കൊലക്കേസ് പ്രതിയടക്കം നാല് പേർക്കെതിരെ കുമ്പള പൊലീസ് വധശ്രമത്തിന് കേസെടുത്തു.നേരത്തെ കൊലപാതക കേസിലെ പ്രതിയായിരുന്ന ബാസിത്, അനിൽ, കണ്ടാലറിയാവുന്ന മറ്റ് രണ്ട് പേർ എന്നിവർക്കെതിരെയാണ് വധശ്രമത്തിന് കേസെടുത്തത്.
ആരിക്കാടി കടവത്തെ ഇബ്രാഹിമിൻ്റെ മകനും മത്സ്യത്തൊഴിലാളിയുമായ സൈനുദ്ദീനെ (30) ആണ് കുത്തേറ്റ നിലയിൽ മംഗളൂരുവിലെ സ്വകാര്യ ആശുപത്രിയിൽ പ്രവേശിപ്പിച്ചത്.
2015 ൽ കുമ്പള ടൗണിൽ വെച്ച് സുനാമി കോളനിയിലെ ശാകിറിനെ ഫുട്ബോൾ കളിയുമായുണ്ടായ പ്രശ്നത്തിൻ്റെ പേരിൽ കുത്തി കൊലപ്പെടുത്തിയെന്ന കേസിലെ പ്രതിയാണ് ബാസിത്. തിങ്കളാഴ്ച സന്ധ്യക്ക് ഏഴു മണിയോടെ കൊടിയമ്മയിലാണ് സംഭവം നടന്നത്. റോഡരികിൽ നിൽക്കുകയായിരുന്ന യുവാവിനെ കാറിലെത്തിയ നാലംഗ സംഘത്തിലെ കൊലക്കേസ് പ്രതിയായ ബാസിത് വെട്ടി കൊലപ്പെടുത്താൻ ശ്രമിക്കുകയായിരുന്നുവെന്നാണ് പരാതി. പരിക്കേറ്റ യുവാവിനെ നാട്ടുകാരാണ് ആശുപത്രിയിലെത്തിച്ചത്. കുമ്പള എസ് ഐ വികെ അനീഷിൻ്റെ നേതൃത്വത്തിലുള്ള പൊലീസ് സംഘം പ്രതികൾക്കായി തെരച്ചിൽ ഊർജിതമാക്കിയിട്ടുണ്ട്.അപകടനില തരണം ചെയ്തിട്ടുണ്ട് സൈനുദ്ധീനെ അടിയന്തിര ശസ്ത്രക്രിയയ്ക്ക് വിധേയനാക്കി. സംഭവത്തിൽ പ്രതിഷേധിച്ച് എസ് ഡി പി ഐ പ്രവർത്തകർ കുമ്പള ടൗണിൽ പ്രകടനം നടത്തി.
Post a Comment