കർണാടക വാരാന്ത്യ കർഫ്യൂ; അന്തർസംസ്ഥാന ബസ് സർവിസുകൾ വെട്ടിക്കുറച്ചു.
കർഫ്യൂ മംഗളൂരുവിൽ അവശ്യസേവനങ്ങളെ ബാധിച്ചിട്ടില്ല. അനാവശ്യമായി പുറത്തിറങ്ങുന്നവരെ തടയാൻ കർശന പരിശോധനയാണ് മംഗളൂരുവിൽ പൊലീസ് ഏർപ്പെടുത്തിയത്. തിരിച്ചറിയൽ കാർഡും മറ്റു രേഖകളും പരിശോധിച്ചാണ് ആളുകളെ യാത്ര ചെയ്യാൻ അനുവദിച്ചത്. അനാവശ്യമായി ചുറ്റിക്കറങ്ങാൻ ഇറങ്ങിയവരുടെ വാഹനങ്ങൾ പിടികൂടി. ഇതെല്ലാം കേരള അതിർത്തിയിൽ കഴിയുന്നവരെ പ്രതികൂലമായി ബാധിച്ചു. ഏതാനും ബസുകൾ മാത്രമാണ് ഞായറാഴ്ച മംഗളൂരുവിൽ തന്നെ സർവിസ് നടത്തിയത്.
കേരള അതിർത്തിയിൽ ഒമ്പത് ചെക് പോസ്റ്റുകളാണ് കർണാടക ഏർപ്പെടുത്തിയത്. 72 മണിക്കൂറിനകം എടുത്ത കോവിഡ് നെഗറ്റിവ് സർട്ടിഫിക്കറ്റ് ഉള്ളവരെ മാത്രമാണ് അതിർത്തിവഴി കടത്തിവിടുന്നത്. യാത്രയുടെ ലക്ഷ്യങ്ങൾ അധികൃതരെ ബോധ്യപ്പെടുത്തുകയും വേണം.
Post a Comment