മംഗളൂരുവിൽ വരനെ കൊറഗജ്ജ വേഷത്തിൽ ആനയിച്ച സംഭവം; ഒളിവിലായിരുന്ന കാസർഗോഡ് സ്വദേശിയായ വരൻ പിടിയിൽ.
കേസിലെ മുഖ്യപ്രതിയായ ഉമറുല്‍ ബാസിത്തിനെ നെടുമ്പാശേരി വിമാനത്താവള ഉദ്യോഗസ്ഥർ പിടികൂടുകയും തുടർന്ന് വിട്ള പൊലീസിന് കൈമാറുകയുമായിരുന്നു.
വിട്ള പൊലീസ് സ്റ്റേഷന്‍ പരിധിയിലുള്ള വധുവിന്റെ വീട്ടിലേക്ക് ബാസിതിനെ സുഹൃത്തുക്കള്‍ കൊറഗജ്ജയുടെ വേഷം ധരിപ്പിച്ച് ആനയിക്കുകയായിരുന്നു.
ഈ രംഗം ചിലര്‍ വീഡിയോയില്‍ പകര്‍ത്തുകയും നവമാധ്യമങ്ങളില്‍ പ്രചരിപ്പിച്ചതോടെ ഇത് സംബന്ധിച്ച് പ്രദേശവാസിയായ ഒരാള്‍ വിട്ള പൊലീസില്‍ പരാതി നല്‍കുകയായിരുന്നു..
ഒളിവില്‍ പോയ ബാസിത് മംഗളൂരുവിലെ അഡീഷണല്‍ സെഷന്‍സ് (നാല്) കോടതിയില്‍ മുന്‍കൂര്‍ ജാമ്യത്തിന് അപേക്ഷ നല്‍കിയിരുന്നു,എന്നാൽ കോടതി ജാമ്യാപേക്ഷ തള്ളി.
Post a Comment