ബി.ജെ.പി വിട്ട മുൻ മുഖ്യമന്ത്രി ജഗദീഷ് ഷെട്ടാർ കോൺഗ്രസിൽ ചേർന്നു.

ബം​ഗ​ളൂ​രു(www.truenewsmalayalam.com) : ബി.ജെ.പി വിട്ട മുതിർന്ന നേതാവും കർണാടക മുൻ മുഖ്യമന്ത്രിയുമായ ജഗദീഷ് ഷെട്ടാർ കോൺഗ്രസിൽ ചേർന്നു. പി.സി.സി ആസ്ഥാനത്ത് നടന്ന ചടങ്ങിൽ കോൺഗ്രസ് അധ്യക്ഷൻ മല്ലികാർജുൻ ഖാർഗെ ജഗദീഷ് ഷെട്ടാറിനെ സ്വീകരിക്കുകയും ഐ.സി.സി ജനറൽ സെക്രട്ടറി കെ.സി വേണുഗോപാൽ കോൺഗ്രസ് പതാക കൈമാറുകയും ചെ‍‍യ്തു. സി​റ്റി​ങ് മ​ണ്ഡ​ല​മാ​യ ഹു​ബ്ബ​ള്ളി- ധാ​ർ​വാ​ഡ് സെ​ൻ​ട്ര​ലി​ൽ ഷെട്ടാർ മത്സരിക്കും.

നി​യ​മ​സ​ഭ തെ​ര​ഞ്ഞെ​ടു​പ്പ് പ്ര​ചാ​ര​ണ വേ​ള​യി​ൽ ബി.​ജെ.​പി​ക്ക് ക​ന​ത്ത പ്ര​ഹ​രം നൽകിയാണ് ​ജഗ​ദീ​ഷ് ഷെ​ട്ടാ​റിന്‍റെ കോ​ൺ​​ഗ്ര​സ് പ്രവേശനം. ആ​റു ത​വ​ണ എം.​എ​ൽ.​എ​യാ​യ 67 കാ​ര​നാ​യ ഷെ​ട്ടാ​ർ, ബി.​ജെ.​പി​യു​മാ​യി മൂ​ന്നു ദ​ശാ​ബ്ദ​ക്കാ​ല​മാ​യു​ള്ള ബ​ന്ധ​മാ​ണ് ഉ​പേ​ക്ഷി​ച്ച​ത്. ഞാ​യ​റാ​ഴ്ച എം.​എ​ൽ.​എ പ​ദ​വി​യും ബി.​ജെ.​പി അം​ഗ​ത്വ​വും രാ​ജി​വെ​ച്ച ഷെ​ട്ടാ​റി​നെ കോ​ൺ​ഗ്ര​സ് പാ​ർ​ട്ടി​യി​ലേ​ക്ക് ക്ഷ​ണി​ച്ചി​രു​ന്നു.

ര​ണ്ടാം പ​ട്ടി​ക​യി​ലും ത​ന്നെ ത​ഴ​ഞ്ഞ​തോ​ടെ ബി.​ജെ.​പി ദേ​ശീ​യ അ​ധ്യ​ക്ഷ​ൻ ജെ.​പി. ന​ഡ്ഡ​യു​മാ​യി ഷെ​ട്ടാ​ർ ഡ​ൽ​ഹി​യി​ൽ കൂ​ടി​ക്കാ​ഴ്ച ന​ട​ത്തി​യി​രു​ന്നു. സീ​റ്റ് ന​ൽ​കി​ല്ലെ​ന്ന് വ്യ​ക്ത​മാ​ക്കി​യ നേ​തൃ​ത്വം പ​ക​രം, കു​ടും​ബ​ത്തി​ൽ ​നി​ന്ന് ഒ​രം​ഗ​ത്തെ സീ​റ്റി​ലേ​ക്ക് നി​ർ​ദേ​ശി​ക്കാ​ൻ ആ​വ​ശ്യ​പ്പെ​ട്ടു. കേ​ന്ദ്രമ​ന്ത്രി സ്ഥാ​നം അ​ട​ക്ക​മു​ള്ള പ​ദ​വി​ക​ളും വാ​ഗ്ദാ​നം ചെ​യ്തു.

സി​റ്റി​ങ് മ​ണ്ഡ​ല​മാ​യ ഹു​ബ്ബ​ള്ളി- ധാ​ർ​വാ​ഡ് സെ​ൻ​ട്ര​ലി​ൽ സീ​റ്റ് ന​ൽ​ക​ണ​മെ​ന്നും അ​ല്ലെ​ങ്കി​ൽ പാ​ർ​ട്ടി വി​ട്ട് സ്വ​ത​ന്ത്ര​നാ​യി മ​ത്സ​രി​ക്കു​മെ​ന്നും നി​ല​പാ​ട് ക​ടു​പ്പി​ച്ച ഷെ​ട്ടാ​റി​നെ അ​നു​ന​യി​പ്പി​ക്കാ​ൻ ക​ർ​ണാ​ട​ക തെ​ര​ഞ്ഞെ​ടു​പ്പി​ന്റെ ചു​മ​ത​ല​യു​ള്ള ധ​ർ​മേ​ന്ദ്ര പ്ര​ധാ​ൻ, കേ​ന്ദ്ര​മ​ന്ത്രി പ്ര​ൾ​ഹാ​ദ് ജോ​ഷി, മു​ഖ്യ​മ​ന്ത്രി ബ​സ​വ​രാ​ജ് ബൊ​മ്മൈ, ബി.​എ​സ്. യെ​ദി​യൂ​ര​പ്പ എ​ന്നി​വ​ർ അ​വ​സാ​ന നി​മി​ഷം വ​രെ ശ്ര​മി​ച്ചെ​ങ്കി​ലും ഫ​ല​മു​ണ്ടാ​യി​ല്ല.