മംഗളൂരുവിൽ മണ്ണിടിച്ചിൽ ;രണ്ടു കുട്ടികൾ മണ്ണിനടിയിപ്പെട്ടു മരിച്ചു;രണ്ടു വീടുകൾ തകർന്നു
മംഗളൂരു (True News, July 5,2020) : മംഗളൂരുവിൽ ഗുരുപുരയിൽ മണ്ണിടിഞ്ഞു രണ്ടു കുട്ടികൾ മരിച്ചു .പതിനാലും പന്ത്രണ്ടും വയസുള്ള കുട്ടികളാണ് മരിച്ചത്. രണ്ടു വീടുകൾ തകർന്നു. ജെസിബി ഉപയോഗിച്ച് നാട്ടുകാരും ഫയർഫോഴ്സും പുറത്തെടുക്കാൻ രക്ഷാപ്രവർത്തനം ഉടൻതന്നെ ആരംഭിച്ചെങ്കിലും കുട്ടികളെ മണ്ണിനടിയിൽ നിന്നും പുറത്തെടുക്കുമ്പോൾ മരണം സംഭവിച്ചിരുന്നു. . ഗുരുപുര ബംഗ്ലഗുഡ്ഡെയിൽ ഞായറാഴ്ച ഉച്ചയോടെയാണ് അപകടമുണ്ടായത്.നാല് ദിവസമായി തുടർച്ചയായി പെയ്യുന്ന മഴയെത്തുടർന്നാണ് മണ്ണിടിഞ്ഞു കുന്നിന്ചെരുവിലുള്ള രണ്ടു വീടുകൾക്ക് മേൽ പതിച്ചത്/ വീട്ടിലുള്ളവർ ഓടി രക്ഷപ്പെട്ടെങ്കിലും രണ്ടു കുട്ടികൾ മണ്ണിനടിയിൽപ്പെട്ടു. മണ്ണിടിച്ചിലിൽ രണ്ടു വീടുകൾ പൂർണ്ണമായും തകർന്നു.ഒരു വീടിനു ഭാഗികമായി കേടുപാടുകൾ സംഭവിച്ചു.
ഇതിനു സമീപമുള്ള മറ്റു വീടുകളും മണ്ണിടിച്ചിൽ ഭീഷണിയിലാണ്.പതിനാലു വീടുകളാണ് ഇവിടെയുള്ളത്. ഇവരെ ജില്ലാ ഭരണകൂടം മാറ്റിപ്പാർപ്പിക്കാനുള്ള നടപടികൾ തുടങ്ങിയിട്ടുണ്ട്
Post a Comment