കുമ്പള,കാസര്‍കോഡ് മാർക്കറ്റിൽ പോയവരും , ചെങ്കളയിൽ മരണവീട്ടിൽ പോയവരും മഞ്ചേശ്വരത്ത് ഫുട്ബോൾ കളികളിൽ ഏർപ്പെട്ടവരും പതിനാലുദിവസം റൂം ക്വാറന്റൈനിൽ പോകാൻ ജില്ലാ കളക്ടറുടെ നിർദേശം

കാസര്‍കോട് (True News, Julyy 21,2020):  കുമ്പള,കാസറഗഡ് മാർക്കറ്റിൽ പോയവരും , ചെങ്കളയിൽ മരണവീട്ടിൽ പോയവരും  മഞ്ചേശ്വരത്ത് ഫുട്ബോൾ കളികളിൽ ഏർപ്പെട്ടവരും പതിനാലുദിവസം റൂം ക്വാറന്റൈനിൽ പോകാൻ ജില്ലാ കളക്ടറുടെ നിർദേശം ജൂലൈ അഞ്ചിനോ അതിന് ശേഷമോ കാസര്‍കോട് മാര്‍ക്കറ്റില്‍ പോയവര്‍, ചെങ്കളയില്‍ അപകടത്തില്‍ മരിച്ച വ്യക്തിയുടെ വീട് ജൂലൈ മൂന്നിനോ അതിന് ശേഷമോ സന്ദര്‍ശിച്ചവര്‍, ജൂലൈ ആറിനോ അതിന്് ശേഷമോ കുമ്പള മാര്‍ക്കറ്റില്‍ പോയവര്‍, ജൂലൈ 12നോ അതിന് ശേഷമോ മഞ്ചേശ്വരം പഞ്ചായത്തില്‍ 11,13,14 വാര്‍ഡുകളില്‍ ഫുട്ബോള്‍ കളികളില്‍ ഏര്‍പ്പെട്ടവരും ഈ നാല് പ്രദേശങ്ങളിലുള്ളവരും  നിര്‍ബന്ധമായും 14 ദിവസത്തേയ്ക്ക് റൂം ക്വറന്റൈനില്‍ പോകണമെന്ന് ജില്ലാ കളക്ടര്‍ ഡോ ഡി സജിത് ബാബു അറിയിച്ചു. ഇവര്‍ യാതൊരു കാരണവശാലും കുടുംബങ്ങളോ പൊതുജനങ്ങളുമായോ സമ്പര്‍ക്കത്തില്‍ ഏര്‍പ്പെടരുത്. ഈ പ്രദേശങ്ങളിലും സന്ദര്‍ഭങ്ങളിലും കോവിഡ് വ്യാപനം രൂക്ഷമായ സാഹചര്യത്തിലാണ് ഈ അറിയിപ്പ്.