കാസറഗോഡ് മഞ്ചേശ്വരം ഹയർ സെക്കന്ററി സ്കൂളുകൾക്ക് പശ്ചാത്തല സൗകര്യ വികസനത്തിന് കിഫ്ബിയിലുൾപ്പെടുത്തി മൂന്നരക്കോടി;നിർമാണപ്രവർത്തനങ്ങളുടെ ഉൽഘാടനം മുഖ്യമന്ത്രി ഇന്ന് നിർവഹിക്കും
കാസര്ഗോഡ്(True News, July 9,2020): കാസറഗോഡ് മഞ്ചേശ്വരം ഗവണ്മെന്റ് ഹയർ സെക്കന്ററി സ്കൂളുകൾക്ക് പശ്ചാത്തല സൗകര്യ വികസനത്തിന് കിഫ്ബിയിലുൾപ്പെടുത്തി മൂന്നരക്കോടി അനുവദിച്ചു. ഇതടക്കം ജില്ലയിലെ ഒമ്പത് സര്ക്കാര് സ്കൂളുകളുടെ പശ്ചാത്തല സൗകര്യവികസനത്തിനായി കിഫ്ബിയില് നിന്ന് 10.62 കോടി രൂപ ധനസഹായം അനുവദിച്ചു. തൃക്കരിപ്പൂര് നിയോജക മണ്ഡലത്തിലെ കാടങ്കോട് ഗവ. ഫിഷറീസ് ഹയര് സെക്കന്ഡറി സ്കൂളിന് 1,48,49,870 രൂപയും പടന്ന കടപ്പുറം ഗവ. ഫിഷറീസ് ഹയര് സെക്കന്ഡറി സ്കൂളിന് 1,15,85,495 രൂപയും ഉദുമയില് കീഴൂര് ഗവ. യുപി സ്കൂളിന് 78,72,281 രൂപയും കല്ലിങ്കാല് ഗവ. യുപി സ്കൂളിന് 1,87,65,004 രൂപയും അഗസറഗോള ഗവ. യുപി സ്കൂളിന് 64,79,482 രൂപയും ഉദുമ കീക്കാന് ഗവ. യുപി സ്കൂളിന് 43,89,587 രൂപയും പാക്കം ഗവ. ഹയര് സെക്കന്ഡറി സ്കൂളിന് 81,95,399 രൂപയുമാണ് അനുവദിച്ചത്. കാസര്ഗോഡ് നിയോജക മണ്ഡലത്തിലെ കാസര്ഗോഡ് ഗവ. ഹയര് സെക്കന്ഡറി സ്കൂളിന് 1,61,68,969 രൂപയും മഞ്ചേശ്വരം നിയോജകമണ്ഡലത്തിലെ മഞ്ചേശ്വരം ഗവ. ഹയര് സെക്കന്ഡറി സ്കൂളിന് 1,79,34,343 രൂപയും അനുവദിച്ചു. ഇവയുള്പ്പെടെ സംസ്ഥാനത്തെ 56 സര്ക്കാര് സ്കൂളുകളുടെ പശ്ചാത്തല സൗകര്യവികസന പ്രവൃത്തികളുടെ ഉദ്ഘാടനം ഇന്നു വൈകുന്നേരം മൂന്നിന് മുഖ്യമന്ത്രി വീഡിയോ കോണ്ഫറന്സിംഗ് വഴി നിര്വഹിക്കും.
Post a Comment