ജില്ലയില് സ്കൂള് ഉച്ചഭക്ഷണ പദ്ധതിയില് ഉള്പ്പെട്ട വിദ്യാര്ഥികള്ക്കായുള്ള സൗജന്യ ഭക്ഷ്യകിറ്റുകള് സ്കൂളുകളില് എത്തിച്ചു തുടങ്ങി
കാസര്ഗോഡ് (True News, Jul 9,2020): ജില്ലയില് സ്കൂള് ഉച്ചഭക്ഷണ പദ്ധതിയില് ഉള്പ്പെട്ട പ്രീ പ്രൈമറി മുതല് എട്ടാം ക്ലാസ് വരെയുള്ള വിദ്യാര്ഥികള്ക്കായുള്ള സൗജന്യ ഭക്ഷ്യകിറ്റുകള് സ്കൂളുകളില് എത്തിച്ചു തുടങ്ങി. ജില്ലയിലെ 577 സ്കൂളുകളിലായി 129670 വിദ്യാര്ഥികള്ക്കായാണ് കിറ്റുകള് തയാറാക്കുന്നത്. അതാത് സ്കൂളുകളിലെ ഉച്ചഭക്ഷണ കമ്മിറ്റി, പിടിഎ, മദര് പിടിഎ എന്നിവയുടെ സഹകരണത്തോടെ ഇവ രക്ഷിതാക്കള്ക്ക് വിതരണം ചെയ്യും.
അരി, ചെറുപയര്, കടല, തുവരപ്പരിപ്പ്, പഞ്ചസാര, മഞ്ഞപ്പൊടി, മുളക് പൊടി, മല്ലിപ്പൊടി, ആട്ട, ഉപ്പ് എന്നിവയടങ്ങുന്നതാണ് ഓരോ കിറ്റുകളും. പ്രീ പ്രൈമറി ക്ലാസുകളിലെ കുട്ടികള്ക്ക് 1.200 കിലോഗ്രാം അരിയും എല്പി കുട്ടികള്ക്ക് നാല് കിലോഗ്രാം അരിയും യുപി വിദ്യാര്ഥികള്ക്ക് ആറ് കിലോഗ്രാം അരിയും ലഭിക്കും. പ്രീ-പ്രൈമറി വിദ്യാര്ഥികള്ക്കുള്ള കിറ്റുകളാണ് ആദ്യഘട്ടത്തില് വിതരണം ചെയ്യുക. തുടര്ന്ന് എല്പി, യുപി വിഭാഗങ്ങളിലെ കുട്ടികള്ക്ക് രണ്ട് ഘട്ടമായി വിതരണം ചെയ്യും. ഈ വര്ഷം സ്കൂളില് ചേര്ന്ന കുട്ടികള്ക്ക് കിറ്റുകള് ഉണ്ടായിരിക്കില്ല. പദ്ധതിയില് ഉള്പ്പെട്ട എല്ലാ സ്കൂളുകളിലും കിറ്റുകള് ലഭ്യമാകുന്ന മുറയ്ക്ക് സംസ്ഥാനതല ഉദ്ഘാടനത്തോടനുബന്ധിച്ചാകും ജില്ലയില് കിറ്റുകളുടെ വിതരണം തുടങ്ങുകയെന്ന് ജില്ലാ വിദ്യാഭ്യാസ ഉപഡയറക്ടര് കെ.വി. പുഷ്പ അറിയിച്ചു.
Post a Comment