മംഗളൂറുവില്‍ വ്യാജ രേഖ ഉപയോഗിച്ച് വാഹന ഉടമകകളെയും ബാങ്കുകളെയും കബളിപ്പിച്ച് പണം തട്ടിയ നാല് പേര്‍ പോലീസ് പിടിയില്‍

മംഗളൂറു (True News 25 August 2019): വ്യാജ വാഹന രേഖകൾ നിർമ്മിച്ച്  ബാങ്കുകളെയും വാഹന ഉടമകളെയും  വഞ്ചിച്ച നാല് പേരെ സിറ്റി നോർത്ത്സ്പെഷ്യൽ  ക്രൈം വിജിലൻസ് സ്ക്വാഡ്  അറസ്റ്റ് ചെയ്തു.

മംഗളദേവി സ്വദേശി ഗോവർധൻ (34), ബാജ്പെ സ്വദേശി മുഹമ്മദ് അൻവർ എന്ന  ബസ്മ അൻവർ (44), തുംബെ സ്വദേശിയായ നൗഷാദ് എന്ന  നൗഷാദ് ഹുസൈൻ (36), കദ്രി ശിവബാഗ് സ്വദേശി ഉമ്മർ ഫാറൂഖ് എന്ന ആർടിഒ ഉമ്മർ (51) എന്നിവരാണ് അറസ്റ്റിലായത്.

ഓഗസ്റ്റ് 21 ന് നോർത്ത് സബ് ഡിവിഷനിലെ എ.സി.പി. ശ്രീനിവാസ് ആർ ഗൗഡയുടെ നേതൃത്വത്തിലുള്ള പ്രത്യേക ക്രൈം വിജിലൻസ് സ്ക്വാഡിന് ലഭിച്ച വിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതികൾ വലയിലായത്. . വാഹന ഉടമകളുടെ അറിവില്ലാതെ ഈ സംഘം വ്യാജ രേഖകൾ സൃഷ്ടിച്ചിരുന്നു. യഥാർത്ഥ വാഹന ഉടമകളുടെ പേരിൽ ഈ രേഖകളിൽ പ്രതികൾ   വിവിധ ബാങ്കുകളിൽ നിന്ന് വായ്പ എടുക്കാറുണ്ടായിരുന്നു. പിന്നീട് വായ്പ തുക അവരുടെ ബാങ്ക് അക്കൗണ്ടുകളിലേക്ക് മാറ്റുന്നു.45 ലക്ഷത്തോളം രൂപയാണ് ഇങ്ങനെ വഞ്ചന നടത്തി പ്രതികൾ സ്വന്തമാക്കിയത്.