അജ്ഞാതര് കല്ലെറിഞ്ഞു തകര്ത്ത കാരുണ്യമാത ദേവാലയം റവന്യൂ മന്ത്രി ഇ. ചന്ദ്രശേഖരന് സന്ദര്ശിച്ചു.
മഞ്ചേശ്വരം(www.truenewsmalayalam.com Aug 26, 2019): അജ്ഞാതര് കല്ലെറിഞ്ഞു തകര്ത്ത മംഗളൂരു രൂപതയ്ക്കു കീഴിലുള്ള മഞ്ചേശ്വരം കുണ്ടുകൊളക്കയിലെ കാരുണ്യമാത ദേവാലയം റവന്യൂ മന്ത്രി ഇ. ചന്ദ്രശേഖരന് സന്ദര്ശിച്ചു.
ആക്രമണം നടത്തിയവര്ക്കെതിരേ അന്വേഷണം ഊര്ജിതമാക്കിയതായും കുറ്റക്കാര്ക്കെതിരേ ശക്തമായ നടപടിയെടുക്കുമെന്നും മന്ത്രി പറഞ്ഞു. വികാരി ഫാ. വിന്സന്റ് വിനോദ് സല്ദാനയുമായി ചര്ച്ച നടത്തി.
പ്രത്യേക പോലീസ് ടീം ഊര്ജിത അന്വേഷണം നടത്തി വരുന്നതായും ദേവാലയത്തിന് വേണ്ട എല്ലാ സംരക്ഷണവും സര്ക്കാര് നല്കുമെന്നും അദ്ദേഹം ഉറപ്പു നല്കി.
നൂറോളം വര്ഷം പഴക്കമുള്ള ദേവാലയം ആക്രമിക്കപ്പെട്ടത് ദൗര്ഭാഗ്യകരമാണ്. സംഭവം സര്ക്കാര് ഗൗരവത്തിലെടുത്തിട്ടുണ്ട്.
വിഷയം മുഖ്യമന്ത്രിയുടെ ശ്രദ്ധയില്പ്പെടുത്തിയിട്ടുണ്ടെന്നും നാളെ അദ്ദേഹവുമായി ചര്ച്ച നടത്തുമെന്നും മന്ത്രി പറഞ്ഞു. ചര്ച്ചിന്റെ അക്രമിക്കപ്പെട്ട ഭാഗങ്ങള് മന്ത്രി സന്ദര്ശിച്ച് സ്ഥിതി ഗതികള് വിലയിരുത്തി.
എഡിഎം എന്.ദേവിദാസ്, ബ്ലോക്ക് പഞ്ചായത്തംഗം കെ.ആര്.ജയാനന്ദ, ടി.കൃഷ്ണന്, ബി.വി.രാജന്, ജയരാമ ബല്ലംകൂടല്, രാമകൃഷ്ണ ഷെട്ടിഗാര്, ദയാകര് മാട എന്നിവരും മന്ത്രിയോടൊപ്പമുണ്ടായിരുന്നു.
Post a Comment