മുള്ളേരിയ (www.truenewsmalayalam.com Aug 27, 2019): കടന്നല്‍ കുത്തേറ്റ് ആശുപത്രിയില്‍ ചികിത്സയില്‍ കഴിയുകയായിരുന്ന റബര്‍ ടാപ്പിംഗ് തൊഴിലാളി മരിച്ചു. ബെള്ളൂര്‍ പഞ്ചായത്തിലെ നാട്ടക്കല്‍ ബജ കൊല്യ മാലിങ്കത്ത് മൂലയിലെ ദേവപ്പ നായക്- ചന്ദ്രാവതി ദമ്പതികളുടെ മകന്‍ ചന്ദ്രശേഖര(36)യാണ് മരിച്ചത്. ബജ കൊല്യയിലെ തോമസിന്‍റെ ഉടമസ്ഥതയിലുള്ള റബര്‍ ടാപ്പിംഗ് തൊഴിലാളിയായിരുന്നു ചന്ദ്രശേഖര. ഒാഗസ്റ്റ് 24ന് വൈകുന്നേരം നാലോടെ ചന്ദ്രശേഖര സമീപത്തെ കുഞ്ഞപ്പ നായക്കിന്‍റെ വീട്ടുപറമ്പിലെ റബര്‍മരങ്ങള്‍ നോക്കാന്‍ പോയതായിരുന്നു. ഇതിനിടയിലാണ് കടന്നല്‍ കുത്തേറ്റത്. പ്രാണരക്ഷാര്‍ത്ഥം ഓടി രക്ഷപ്പെടാന്‍ ശ്രമിച്ച ചന്ദ്രശേഖര ബഷീര്‍ എന്നായാളുടെ കടവരാന്തയില്‍ കുഴഞ്ഞു വീണു. ബഷീറിന്‍റെ മാതാവ് കടയിലേക്ക് വന്നപ്പോള്‍ ചന്ദ്രശേഖരയെ വരാന്തയില്‍ അവശ നിലയില്‍ വീണ് കിടന്നത് കണ്ടതിനെ തുടര്‍ന്ന് തോമസിനെ വിവരമറിയിച്ചു. ഇതേ തുടര്‍ന്ന് തോമസ് സ്ഥലത്തെത്തി ഉടനെ കാസർഗോഡ് സ്വകാര്യ ആശുപത്രിയിലും നില ഗുരുതരമായതിനാല്‍ മംഗളുരുവിലെ ആശുപത്രിയിലേക്കും മറ്റുകയായിരുന്നു. ഞായറാഴ്ച അഞ്ചോടെയാണ് മരണം സംഭവിച്ചത്. സഹോദരങ്ങള്‍: ലവകുമാര്‍,കുശലപ്പ, പ്രേമാവതി.
Post a Comment