കാസര്ഗോഡ് ബ്ലോക്കില് ജലശക്തി അഭിയാന് പ്രവര്ത്തനങ്ങള് ഊര്ജിതമാക്കും
കാസർഗോഡ് (www truenewsmalayalam.com Aug 30, 2019): കാസര്ഗോഡ് ബ്ലോക്കില് ജലശക്തി അഭിയാനുമായി ബന്ധപ്പെട്ട പ്രവര്ത്തനങ്ങള് ശക്തമാക്കുന്നതിന് ജില്ലാകളക്ടര് ഡി.സജിത്ബാബുവിന്റെ അധ്യക്ഷതയില് ചേംബറില് ചേര്ന്ന യോഗം തീരുമാനിച്ചു. ജലശക്തി അഭിയാന് പ്രകാരം ജില്ലയില് നടത്തിയ പ്രവര്ത്തനങ്ങളെക്കുറിച്ച് അവലോകനം നടത്തി. പദ്ധതി നടപ്പിലാക്കുന്ന ആറു പഞ്ചായത്തുകളിലും വാര്ഡ് തലത്തില് കുടുംബശ്രീ സിഡിഎസുകളുടെ യോഗം വിളിച്ചുചേര്ത്ത് കുടുംബശ്രീ അംഗങ്ങള്ക്ക് ജലശക്തി അഭിയാന് പ്രവര്ത്തനങ്ങളുമായി ബന്ധപ്പെട്ട ബോധവത്കരണ ക്ലാസ് സംഘടിപ്പിക്കുന്നതിന് കൃഷി ഓഫീസര്മാരെ യോഗം ചുമതലപ്പെടുത്തി. സ്റ്റുഡന്റ് പോലീസ് കേഡറ്റ്സ് സംവിധാനമുള്ള കാസര്ഗോഡ് ജിഎച്ച്എസ്എസ്, ചെമ്മനാട് ജമാഅത്ത് എച്ച്എസ്എസ്, പരവനടുക്കം ഗവ.മോഡല് റെസിഡന്ഷ്യല് സ്കൂള്, പെര്ഡാല നവജീവന് എച്ച്എസ്എസ് എന്നീ വിദ്യാലയങ്ങളിലെ കേഡറ്റുകള്ക്ക് മഴവെള്ള സംരക്ഷണം സംബന്ധിച്ച ക്ലാസ് ജലശക്തി അഭിയാനില് ഉള്പ്പെടുത്തി നടത്താന് തീരുമാനിച്ചു. സിപിസിആര്ഐ ലോക നാളികേര ദിനാചരണവുമായി ബന്ധപ്പെട്ട് നടത്തുന്ന പരിപാടികളും ജലശക്തി അഭിയാനില് ഉള്പ്പെടുത്താന് തീരുമാനമായി.
Post a Comment