കാത്തിരിപ്പിന് വിരാമം: കോവിഡിൽ നിശ്ചലമായ ഫുട്ബോൾ മൈതാനങ്ങളിൽ കളി ആരവം
ഫുട്ബോൾ രംഗത്ത് നിരവധി ദേശീയ, രാജ്യാന്തര താരങ്ങളെ സംഭാവന ചെയ്ത ജില്ലയാണ് കാസർഗോഡ്. കോവിഡ് മൂലം കഴിഞ്ഞ രണ്ട് സീസണുകളിലായി ജില്ലാ ലീഗ് അടക്കം നിരവധി ടൂർണമെന്റുകളാണ് നടക്കാതെ പോയത്. ഫുട്ബോൾ പരിശീലനം പോലും മുടങ്ങിക്കിടക്കുകയായിരുന്നു. എഐഎഫ്എ,കെ എഫ് എ അംഗീകാരമുള്ള നാൽപതോളം ക്ലബ്ബുകളും, രണ്ടായിരത്തോളം കളിക്കാരുമാണ് ജില്ലയിലുള്ളത്.
ജില്ലയിലെ ഫുട്ബോളി ന്റെ ഈറ്റില്ലമായി അറിയപ്പെടുന്ന മൊഗ്രാലിൽ മൊഗ്രാൽ ഫ്രണ്ട്സിന്റെ ആഭിമുഖ്യത്തിൽ ഇലവൻസ് ഫുട്ബോൾ ടൂർണ്ണമെൻറ് സംഘടിപ്പിച്ചാണ് കളി ആരവത്തിന് തുടക്കം കുറിച്ചിരിക്കുന്നത്. 8 ടീമുകൾ ടൂർണ്ണമെൻറിൽ പങ്കെടുക്കുന്നു.
Post a Comment