ബദിയടുക്ക (www.truenewsmalayalam.com):
വീട്ടുമുറ്റത്ത് നിര്‍ത്തിയിട്ടിരുന്ന ബൈക്ക് മോഷ്ടിച്ച കേസിലെ പ്രതിയെ പൊലീസ് അറസ്റ്റ് ചെയ്തു. മായിപ്പാടി ഷിറിബാഗിലുവിലെ നുഅമാനെ (23) യാണ് ബദിയടുക്ക പൊലീസ് അറസ്റ്റ് ചെയ്തത്. നെല്ലിക്കട്ട ബിലാല്‍നഗറിലെ മുനീറിന്റെ വീട്ടുമുറ്റത്ത് നിര്‍ത്തിയിട്ടിരുന്ന ബൈക്ക് ഒക്ടോബര്‍ 24ന് രാത്രി മോഷണം പോയിരുന്നു. മുനീറിന്റെ പരാതിയില്‍ ബദിയടുക്ക പൊലീസ് കേസെടുത്ത് അന്വേഷണം നടത്തിവരികയായിരുന്നു.തിങ്കളാഴ്ച രാത്രി ബദിയടുക്ക സി.ഐ അശ്വിതിന്റെ നേതൃത്വത്തിലുള്ള പൊലീസ് സംഘം രാത്രികാല പട്രോളിംഗ് നടത്തുന്നതിനിടെ കടമ്പള സ്‌കൂളിന് സമീപം സംശയകരമായ സാഹചര്യത്തില്‍ ഹീറോഹോണ്ട ബൈക്കുമായി നൗമാനെ കണ്ടെത്തി. ബൈക്ക് കസ്റ്റഡിയിലെടുത്ത പൊലീസ് നൗമാനെ ചോദ്യം ചെയ്തപ്പോള്‍ ബിലാല്‍നഗറില്‍ നിന്ന് മോഷണം പോയ ബൈക്കാണിതെന്ന് വ്യക്തമായി. അടുത്ത കാലത്തായി പല ഭാഗങ്ങളിലും ബൈക്കുകൾ മോഷണം പോയിരുന്നു.
Post a Comment