ലക്ഷങ്ങളുടെ കുഴൽ പണവുമായി ചെങ്കള സ്വദേശി പിടിയിൽ
ഇന്നലെ ഉച്ചയോടെ കാഞ്ഞങ്ങാട് കുശാൽ നഗറിൽനിന്നുമാണ് കാറിൽ കടത്തുകയായിരുന്ന അരക്കോടിയോളം രൂപ ചെങ്കള എതിർത്തോട് സ്വദേശി മൊയ്തീൻ ഷായിൽ നിന്നും പിടികൂടിയത്. കാസർകോട് ഭാഗത്തുനിന്നും പടന്ന ഭാഗത്തേക്ക് കടത്താൻ ശ്രമിക്കവയാണ് പിടിയിലായത്.
ഹോസ്ദുർഗ് സബ് ഇൻസ്പെക്ടർ സുഭാഷ്, കാസർഗോഡ് എസ്.പി സ്ക്വാഡ് അംഗങ്ങളായ എസ്.ഐ അബൂബക്കർ,കല്ലായി, ശിവകുമാർ, രാജേഷ് മാണിയാട്ട്, ജിനേഷ് കുട്ടമത്ത്, നിഖിൽ മലപ്പിൽ എന്നിവർ പരിശോധനാ സംഘത്തിലുണ്ടായിരുന്നു.
വരും ദിവസങ്ങളിലും വാഹന പരിശോധന ശക്തമാക്കുമെന്നും കഞ്ചാവ്, മയക്കമരുന്ന് വ്യാപനം അടക്കം തടയാനുള്ള നടപടി തുടരുമെന്ന് എസ്.എച്. ഒ എം. പി. ആസാദ് അറിയിച്ചു.
കാഞ്ഞങ്ങാട് ഡിവൈ.എസ്.പി വി.വി. ലതീഷിന്റെ മേൽനോട്ടത്തിൽ ഹോസ്ദുർഗ് സ്റ്റേഷൻ പരിധിയിൽ നടത്തി വരുന്ന വാഹന പരിശോധനയുടെ ഭാഗമായാണ് കള്ളപ്പണം പിടിച്ചെടുത്തതെന്ന് പൊലീസ് പറഞ്ഞു.
Post a Comment