കാറുകളുമായി ഈജിപ്റ്റിലേക്ക് പോവുകയായിരുന്ന കപ്പലിന് തീ പിടിച്ചു, രക്ഷപ്പെട്ടവരിൽ കാസർഗോഡ് സ്വദേശിയും. അപകടത്തിൽ ഇന്ത്യക്കാരനായ ചമ്പക്കലാല് മരണപ്പെട്ടു.
കപ്പലില് മലയാളിയായ ക്യാപ്റ്റന് നവീന് മേനോത്ത്പറമ്പില് അടക്കം 21 ക്രൂ അംഗങ്ങളും ഇന്ത്യക്കാര് ആണ്. ഏഴുപേർ പരിക്കുകളോടെ കടലിൽ ചാടി. ബാക്കിയുള്ളവരെ ഹെലികോപ്ടറിൽ രക്ഷിച്ചു. പുക ശ്വസിച്ചും പൊള്ളലേറ്റും എല്ലൊടിഞ്ഞുമാണ് ജീവനക്കാർക്ക് പരിക്കേറ്റത്.
രക്ഷാപ്രവർത്തനത്തിനെത്തിയ മറ്റൊരു കപ്പലിൽനിന്ന് വെള്ളമടിച്ച് തീകെടുത്താൻ ശ്രമിച്ചെങ്കിലും കൂടുതൽ വെള്ളം അടിച്ചാൽ കപ്പൽ മുങ്ങാനുള്ള സാധ്യതയുള്ളതിനാൽ പിൻവാങ്ങി.
ജർമനിയിൽനിന്ന് ഈജിപ്തിലേക്ക് പോവുകയായിരുന്ന പാനമയിൽ രജിസ്റ്റർ ചെയ്ത കപ്പലിനാണ് ചൊവ്വാഴ്ച രാത്രി തീപിടിച്ചത്. ബുധനാഴ്ച വൈകീട്ടും തീയണക്കാൻ കഴിഞ്ഞിട്ടില്ലെന്നാണ് റിപ്പോർട്ട്.
ഇലക്ട്രിക് കാറിൽനിന്നാണ് തീപിടിച്ചതെന്ന് ഡച്ച് തീരസംരക്ഷണ സേന വക്താവ് വാർത്ത ഏജൻസിയോട് പറഞ്ഞു.
Post a Comment