ഡോ വെങ്കിട്ടഗിരിയെ കണ്ണൂർ സെൻട്രൽ ജയിലിലേക്ക് മാറ്റി ; നേരത്തെ തീരുമാനിച്ചതും നടക്കാനുള്ളതും ഉൾപ്പെടെ ശസ്ത്രക്രിയ നടത്തുന്നതിന് ഒരു തടസ്സവുമില്ലെന്ന് സൂപ്രണ്ട്
ഇയാൾക്കെതിരെ നേരത്തെ മറ്റൊരു പരാതിയിൽ അന്വേഷണം നടത്തി അച്ചടക്ക നടപടിയെടുക്കാൻ മനുഷ്യാവകാശ കമ്മിഷൻ ഉത്തരവിട്ടിരുന്നു. 2021 ഓഗസ്റ്റ് 11നു വാഹനാപകടത്തിൽ കൈക്ക് പരുക്കേറ്റു ജനറൽ ആശുപത്രിയിലെത്തിയ പാറക്കട്ട സ്വദേശിക്ക് അനസ്തീസിയ നൽകാൻ വിസമ്മതിച്ചുവെന്ന പരാതിയിലായിരുന്നു ആ ഉത്തരവ്. അതിനു പിന്നാലെയാണ് കൈക്കൂലി കേസിൽ വിജിലൻസിന്റെ പിടിവീണത്. സർവീസിൽ നിന്നു വിരമിക്കാൻ മാസങ്ങൾ ശേഷിക്കെയാണിത്. അനസ്തീസിയ നൽകുന്നതുമായി ബന്ധപ്പെട്ട കൈക്കൂലി വിവാദത്തിൽ 2019 ജൂലൈ മുതൽ ഡിസംബർ വരെ വെങ്കിടഗിരി സസ്പെൻഷനിലായിരുന്നു. വെങ്കിടഗിരി റിമാൻഡിലായതോടെ ജനറൽ ആശുപത്രിയിൽ അനസ്തീസിയ നൽകുന്നതിനു തടസ്സമൊന്നല്ലെന്ന് സൂപ്രണ്ട് ഡോ.എ.ജമാൽ അഹമ്മദ് പറഞ്ഞു. ഇവിടെ അനസ്തീസിയ വിഭാഗത്തിൽ 2 പേർ കൂടിയുണ്ട്. അവരുടെ സേവനം തുടർന്നും ഉപയോഗപ്പെടുത്തും. നേരത്തെ തീരുമാനിച്ചതും നടക്കാനുള്ളതും ഉൾപ്പെടെ ശസ്ത്രക്രിയ നടത്തുന്നതിന് ഒരു തടസ്സവുമില്ലെന്നും അധികൃതർ പറഞ്ഞു.
Post a Comment