കുഞ്ഞിനെ കൊന്ന് റോഡിൽ വലിച്ചെറിഞ്ഞ സംഭവം; തുമ്പായത് ബാർകോഡും സി.സി.ടി.വിയും

കൊ​ച്ചി: പ​ന​മ്പി​ള്ളി ന​ഗ​റി​ൽ ന​വ​ജാ​ത ശി​ശു​വി​നെ കൊ​ല​പ്പെ​ടു​ത്തി റോ​ഡി​ലെ​റി​ഞ്ഞ സം​ഭ​വ​ത്തി​ൽ അ​തി​വേ​ഗ അ​ന്വേ​ഷ​ണ​ത്തി​ൽ പൊ​ലീ​സി​ന് തു​ണ​യാ​യ​ത് സി.​സി.​ടി.​വി ദൃ​ശ്യ​ങ്ങ​ളെ കൂ​ടാ​തെ, കൊ​റി​യ​ർ ക​വ​റി​ലു​ണ്ടാ​യി​രു​ന്ന ബാ​ർ​കോ​ഡ്. ഓ​ൺ​ലൈ​ൻ വ്യാ​പാ​ര സൈ​റ്റാ​യ ആ​മ​സോ​ണി​ൽ​നി​ന്നു​മു​ള്ള കൊ​റി​യ​ർ ക​വ​റി​ൽ പൊ​തി​ഞ്ഞാ​ണ് കു​ഞ്ഞി​നെ പു​റ​ത്തേ​ക്കെ​റി​ഞ്ഞ​ത്. ഇ​തി​ൽ ആ​രു​ടെ പേ​രി​ലാ​ണ് അ​യ​ച്ച​തെ​ന്ന വി​ലാ​സ​മു​ണ്ടാ​യി​രു​ന്നെ​ങ്കി​ലും ഈ ​ഭാ​ഗം ചോ​ര പ​ട​ർ​ന്ന് അ​വ്യ​ക്ത​മാ​യി​രു​ന്നു. തു​ട​ർ​ന്ന് ഒ​പ്പ​മു​ണ്ടാ​യി​രു​ന്ന ബാ​ർ​കോ​ഡ് സ്കാ​ൻ ചെ​യ്താ​ണ് പ്ര​തി​യി​ലേ​ക്കെ​ത്തി​യ​ത്.

 സി.​സി.​ടി.​വി ദൃ​ശ്യ​ങ്ങ​ളി​ൽ​നി​ന്നു​ത​ന്നെ സ​മീ​പ​ത്തെ ഫ്ലാ​റ്റി​ൽ​നി​ന്ന് ക​വ​ർ എ​റി​യു​ന്ന​ത്​ വ്യ​ക്ത​മാ​യി​രു​ന്നെ​ങ്കി​ലും ഇ​ക്കാ​ര്യം ഉ​റ​പ്പി​ക്കേ​ണ്ടി​യി​രു​ന്നു. കൂ​ടാ​തെ, നി​ര​വ​ധി യൂ​നി​റ്റു​ക​ൾ ചേ​ർ​ന്ന അ​പ്പാ​ർ​ട്ട്മെൻറി​ൽ ഏ​ത് ഫ്ലാ​റ്റി​ൽ​നി​ന്നാ​ണ് എ​റി​ഞ്ഞ​തെ​ന്നും ആ​രാ​ണ് എ​റി​ഞ്ഞ​തെ​ന്നു​മു​ള്ള ചോ​ദ്യ​ങ്ങ​ൾ ബാ​ക്കി​യാ​യി​രു​ന്നു. തു​ട​ർ​ന്ന്, ബാ​ർ​കോ​ഡ് പ​രി​ശോ​ധി​ച്ച​പ്പോ​ഴാ​ണ് പ്ര​തി​യു​ടെ ഫ്ലാ​റ്റി​ന്‍റെ വി​ലാ​സം കി​ട്ടി​യ​ത്. ഇ​തി​നു പി​ന്നാ​ലെ, ഇ​വ​രെ പൊ​ലീ​സ് ചോ​ദ്യം ചെ​യ്യു​ക​യാ​യി​രു​ന്നു.

 സി​റ്റി പൊ​ലീ​സ് ക​മീ​ഷ​ണ​ർ എ​സ്. ശ്യാം ​സു​ന്ദ​റി​ന്‍റെ നേ​തൃ​ത്വ​ത്തി​ലു​ള്ള സം​ഘ​മാ​ണ് ചോ​ദ്യം ചെ​യ്യ​ലി​നാ​യി സ്ഥ​ല​ത്തെ​ത്തി​യ​ത്. എ​ട്ട​ര​യോ​ടെ സ്ഥ​ല​ത്തെ​ത്തി അ​ന്വേ​ഷ​ണം ആ​രം​ഭി​ച്ച പൊ​ലീ​സ് മ​ണി​ക്കൂ​റു​ക​ൾ നീ​ണ്ട ചോ​ദ്യം ചെ​യ്യ​ലു​ക​ൾ​ക്കൊ​ടു​വി​ൽ ഇ​വ​രെ ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു.

 കൊ​ച്ചി: ‘എ​ന്തി​നു ചെ​യ്തു ഈ ​ക്രൂ​ര​ത നീ ​അ​തി​നോ​ട്? കൊ​ന്നു​ക​ള​യും മു​മ്പ് ഒ​ന്നു ചി​ന്തി​ക്കാ​മാ​യി​രു​ന്നി​ല്ലേ. അ​മ്മ​ത്തൊ​ട്ടി​ലി​ലോ എ​വി​ടേ​ലും സു​ര​ക്ഷി​ത​മാ​യ സ്ഥ​ല​ത്തോ ഒ​ക്കെ ഉ​പേ​ക്ഷി​ച്ചാ​ൽ പോ​രാ​യി​രു​ന്നോ? എ​ത്ര​യെ​ത്ര മാ​താ​പി​താ​ക്ക​ളാ​ണ് ഒ​രു കു​ഞ്ഞി​ക്കാ​ലു​കാ​ണാ​ൻ വേ​ണ്ടി ആ​റ്റു​നോ​റ്റ് മ​രു​ന്നും വ​ഴി​പാ​ടു​മൊ​ക്കെ​യാ​യി ക​ഴി​യു​ന്ന​ത്. അ​തി​നി​ട​ക്ക്​ എ​ങ്ങ​നെ ചെ​യ്യാ​ൻ തോ​ന്നി ഇ​ത്?’ കൊ​ച്ചി വി​ദ്യാ​ന​ഗ​റി​ൽ കു​ഞ്ഞി​നെ റോ​ഡി​ലേ​ക്കെ​റി​ഞ്ഞ്​ കൊ​ല​പ്പെ​ടു​ത്തി​യ വി​വ​ര​മ​റി​ഞ്ഞ് ത​ടി​ച്ചു​കൂ​ടി​യ നാ​ട്ടു​കാ​ർ​ക്കും സ​മീ​പ ഫ്ലാ​റ്റു​കാ​ർ​ക്കു​മെ​ല്ലാം ചോ​ദി​ക്കാ​നും പ​റ​യാ​നു​മു​ണ്ടാ​യി​രു​ന്ന​ത് ഇ​ക്കാ​ര്യ​ങ്ങ​ളാ​ണ്.

 ജ​നി​ച്ച് മ​ണി​ക്കൂ​റു​ക​ൾ പി​ന്നി​ടു​മ്പോ​ൾ​ത​ന്നെ സ്വ​ന്തം അ​മ്മ​യാ​ൽ മാ​ലി​ന്യ​പ്പൊ​തി വ​ലി​ച്ചെ​റി​യു​ന്ന ലാ​ഘ​വ​ത്തി​ൽ ജീ​വി​ത​ത്തി​ൽ​നി​ന്ന് വ​ലി​ച്ചെ​റി​യ​പ്പെ​ട്ട കു​ഞ്ഞി​നെ​യോ​ർ​ത്ത് എ​ല്ലാ​വ​രും തേ​ങ്ങു​ക​യാ​യി​രു​ന്നു. വെ​ള്ളി​യാ​ഴ്ച രാ​വി​ലെ എ​ട്ട​ര​യോ​ടെ​യാ​ണ് സം​ഭ​വം. വാ​ർ​ത്ത​യ​റി​ഞ്ഞ​വ​ർ അ​പ്പാ​ർ​ട്ട്മെൻറി​നു മു​ന്നി​ൽ ത​ടി​ച്ചു​കൂ​ടി​യി​രു​ന്നു. പ​ല​രും രോ​ഷാ​കു​ല​രാ​യി, ചി​ല​ർ​ക്ക് ക​ര​ച്ചി​ല​ട​ക്കാ​നാ​യി​ല്ല. എം.​എ​ൽ.​എ​മാ​രും കോ​ർ​പ​റേ​ഷ​ൻ കൗ​ൺ​സി​ല​ർ​മാ​രു​ൾ​പ്പെ​ടെ ജ​ന​പ്ര​തി​നി​ധി​ക​ളും ഉ​ട​ൻ സ്ഥ​ല​ത്തെ​ത്തി. നാ​ട്ടു​കാ​ർ​ക്കെ​ല്ലാം പ​റ​യാ​നു​ണ്ടാ​യി​രു​ന്ന​ത് ഇ​ത്ര​മാ​ത്രം: ‘അ​വ​ളാ കു​ഞ്ഞി​നെ കൊ​ല​പ്പെ​ടു​ത്തി​യ​താ​ണെ​ങ്കി​ൽ ത​ക്ക ശി​ക്ഷ കി​ട്ട​ണം'.

വി​ദ്യാ​ന​ഗ​റി​ലെ പ​ന​മ്പി​ള്ളി ന​ഗ​ർ ലി​ങ്ക് റോ​ഡി​ലാ​ണ് സം​ഭ​വം ന​ട​ന്ന ഫ്ലാ​റ്റ്. ഇ​തി​ന്‍റെ അ​ഞ്ചാം നി​ല​യി​ലെ ബാ​ൽ​ക്ക​ണി​യി​ൽ​നി​ന്ന് കൊ​റി​യ​ർ ക​വ​റി​ൽ പൊ​തി​ഞ്ഞ ആ​ൺ​കു​ഞ്ഞി​ന്‍റെ കു​രു​ന്ന്​ ദേ​ഹം മു​ന്നി​ലെ ക​ട്ട​വി​രി​ച്ച റോ​ഡി​ലേ​ക്കെ​റി​യു​ക​യാ​യി​രു​ന്നു. ഫ്ലാ​റ്റി​നു സ​മീ​പ​ത്തെ ഒ​ഴി​ഞ്ഞ പ​റ​മ്പി​ലേ​ക്ക് തി​ടു​ക്ക​ത്തി​ൽ എ​റി​ഞ്ഞ​പ്പോ​ൾ ല​ക്ഷ്യം തെ​റ്റി റോ​ഡി​ലേ​ക്ക് വീ​ണ​താ​യാ​ണ് സൂ​ച​ന. കു​ഞ്ഞി​ന്‍റെ ദേ​ഹം വീ​ണ സ്ഥ​ല​ത്ത് ചോ​ര​പ്പാ​ടു​ക​ൾ പ​തി​ഞ്ഞു​കി​ട​ക്കു​ന്നു​ണ്ട്.

 അമ്മ ബലാത്സംഗ അതിജീവിത; മാതാപിതാക്കൾക്ക് പങ്കില്ലെന്ന് കമീഷണർ
കൊ​ച്ചി: ന​വ​ജാ​ത​ശി​ശു​വി​ന്‍റെ മൃ​ത​ദേ​ഹം റോ​ഡി​ൽ ക​ണ്ടെ​ത്തി​യ സം​ഭ​വ​ത്തി​ൽ കു​ഞ്ഞി​നെ എ​റി​ഞ്ഞ പ്ര​തി​യാ​യ അ​മ്മ ബ​ലാ​ത്സം​ഗ​ത്തി​നി​ര​യാ​യ അ​തി​ജീ​വി​ത​യെ​ന്ന് സി​റ്റി പൊ​ലീ​സ് ക​മീ​ഷ​ണ​ർ എ​സ്. ശ്യാം​സു​ന്ദ​ർ. 23 വ​യ​സ്സു​ള്ള അ​വി​വാ​ഹി​ത​യാ​ണി​വ​ർ. ഇ​വ​ർ ഗ​ർ​ഭി​ണി​യാ​യി​രു​ന്നെ​ന്ന കാ​ര്യം ഒ​പ്പ​മു​ള്ള മാ​താ​പി​താ​ക്ക​ൾ​ക്ക് അ​റി​യി​ല്ലാ​യി​രു​ന്നെ​ന്നും കു​റ്റ​കൃ​ത്യ​ത്തി​ൽ അ​വ​രു​ടെ പ​ങ്കാ​ളി​ത്ത​മി​ല്ലെ​ന്നാ​ണ് പ്ര​ഥ​മ​ദൃ​ഷ്ട്യാ വ്യ​ക്ത​മാ​യ​തെ​ന്നും ക​മീ​ഷ​ണ​ർ മാ​ധ്യ​മ​ങ്ങ​ളോ​ട് പ​റ​ഞ്ഞു. പ്ര​തി കു​റ്റം സ​മ്മ​തി​ച്ചി​ട്ടു​ണ്ട്. എ​ന്നാ​ൽ, കു​ഞ്ഞ് ജ​നി​ച്ച ശേ​ഷം കൊ​ല​പ്പെ​ടു​ത്തു​ക​യാ​യി​രു​ന്നോ അ​തോ ചാ​പ്പി​ള്ള​യാ​യി ജ​നി​ച്ച​താ​ണോ​യെ​ന്ന കാ​ര്യം പോ​സ്റ്റ്മോ​ർ​ട്ട​ത്തി​നു​ശേ​ഷ​മേ പ​റ​യാ​നാ​കൂ. ബ​ലാ​ത്സം​ഗ​ത്തി​നി​ര​യാ​യെ​ന്ന് പെ​ൺ​കു​ട്ടി പ​റ​ഞ്ഞി​ട്ടു​ണ്ട്. ഇ​ത്​ മ​റ്റൊ​രു കേ​സാ​യി അ​ന്വേ​ഷി​ക്കും.

വീ​ട്ടു​കാ​ര​റി​യാ​തെ ശൗ​ചാ​ല​യ​ത്തി​ൽ ക​യ​റി വാ​തി​ല​ട​ച്ച് പു​ല​ർ​ച്ച അ​ഞ്ചോ​ടെ​യാ​ണ് പെ​ൺ​കു​ട്ടി പ്ര​സ​വി​ക്കു​ന്ന​ത്. എ​ട്ടോടെ​യാ​ണ് ബാ​ൽ​ക്ക​ണി​യി​ൽ​നി​ന്ന് കു​ഞ്ഞി​നെ എ​റി​യു​ന്ന​ത്. സം​ഭ​വ​ത്തെ തു​ട​ർ​ന്നു​ണ്ടാ​യ ഉ​ൾ​ഭ​യ​ത്തി​ൽ​നി​ന്നാ​കാം ഇ​ങ്ങ​നെ എ​റി​ഞ്ഞ​ത്. കു​ഞ്ഞ് ജീ​വ​നോ​ടെ​യു​ണ്ടാ​യി​രു​ന്നോ എ​ന്ന ചോ​ദ്യ​ത്തി​ന് മ​റു​പ​ടി ല​ഭി​ച്ചി​ല്ല. ന​ട​പ​ടി​ക​ൾ​ക്കു​ശേ​ഷം പ്ര​തി​യെ അ​റ​സ്റ്റ് ചെ​യ്യു​മെ​ന്നും ക​മീ​ഷ​ണ​ർ കൂ​ട്ടി​ച്ചേ​ർ​ത്തു.