മൊഗ്രാലിൽ കനത്ത മഴയിൽ കിണർ ഇടിഞ്ഞു; കുടിവെള്ളം മുട്ടി

മൊഗ്രാൽ(www.truenewsmalayalam.com) : ഒരാഴ്ച്ചയായി പെയ്യുന്ന മഴയിൽ മൊഗ്രാലിൽ കിണർ ഇടിഞ്ഞു കുടിവെള്ളം തടസ്സപ്പെട്ടു.കിണറിനടുത്തുള്ള അടുക്കളയുടെ ഒരു ഭാഗവും തകർന്നിട്ടുണ്ട്.

മൊഗ്രാൽ മീലാദ് നഗറിന് സമീപത്തെ മൊഗ്രാൽ ദേശീയവേദി ജോയിൻ സെക്രട്ടറി ബി എ മുഹമ്മദ് കുഞ്ഞിയുടെ ഉടമസ്ഥതയിലുള്ള വീടിന്റെ കിണറും, അടുക്കളയുമാണ് ശക്തമായി പെയ്യുന്ന മഴയിൽ തകർന്നത്. സംഭവം രാത്രി ആയതിനാൽ ആളപായമില്ല.

 കുട്ടികൾ കളിക്കുന്ന സ്ഥലത്തായിരുന്നു കിണർ ഉണ്ടായിരുന്നത്.ഏകദേശം 50.000രൂപയുടെ നഷ്ടം ഉണ്ടായതായി ബിഎ മുഹമ്മദ് കുഞ്ഞി പറഞ്ഞു.വിവരം കുമ്പള റവന്യൂ അധികൃതരെ അറിയിച്ചിട്ടുണ്ട്.